Suro-Suro 27:20 - Kaili Ledo

²⁰ Bara sako-mbongi kasaena, ledo nikita kami eo bara betue, bo poiri muni ledo naole-ole neburu. Kaupuna domo ria panjarumaka kami matuvu!

Suro-Suro 27:20 ပူးပေါင်းရင်းမြစ်များ

Matius 24:29

“Maupu tempo pepandasa nadaa haitu, ‘mata eo majadi malanda bo bula domo ntoto mareme. Betue-betue manavu lako ri langi bo mpengaya-ngaya anu nakuasa ri langi ragoya.’ Yesaya 13:10; 34:4

Suro-Suro 27:19

Kamailenapa nitedeakaramo pareva-pareva nu kapala rara ntasi.

Suro-Suro 27:21

Bara sako-mbongi kasaena, tona riara kapala haitu ledo nangande. Jadi neanggamo i Paulus ri tatangara bo nanguli, “Sampesuvu-sampesuvu! Ane nioseakamiu tesaku bara ipia nanguli nee rapalaikata levuto Kreta, ledo mandasa kita bo ledo marugi ivehitu!

2 Korintus 11:25

Talu-ngganimo yaku niboba ntoRoma ante kayu. Sanggani yaku nirempe ntona ante vatu apa ira madota mompatesi yaku. Talu-ngganimo kapala-kapala nipesaviku natala rantasi, bo naria sanggani yaku nonanggo rara ntasi saeo sambongi.

Efesus 2:12

Bara ipia, dopa nisanimiu i Kristus. Komiu mpo tosangatana apa komiu ledo nosamporoa nte toYahudi anu nipelisi nu Alatala majadi todeaNa. Komiu ledo nanggava bagia riara pojanji nu Alatala ka todeaNa. Komiu aga natuvu bayangi riara dunia hitu bo ledo nisanimiu Alatala, bo ledo ria panjarumakamiu nuapa-nuapa.

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.