Suro-Suro 27:1 - Kaili Ledo

¹ Naupu haitu Gubernur Festus nompakatantu i Paulus bo kami anu nomporoa ia, kana mesavi kapala ntasi hau ri ngata Roma ri propinsi Italia. Jadi i Paulus ante bara sako-ndua tona ntanina anu nitavani, niparasayaka i Yulius, saito balengga ntantara lako ri tantara-tantara Magau Mbaso.

Suro-Suro 27:1 ပူးပေါင်းရင်းမြစ်များ

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Lukas 23:47

Tempo balengga nu tantara nanggita anu najadi, nitoiyanamo Alatala. Niulina, “Nakana mpuu tona hitu ledo ria salaNa.”

Lukas 7:2

Hamai naria saito balengga ntantara nu Magau Roma bo naria muni batua nipotovena. Batua haitu nadua ntamo, damo kamatena.

Suro-Suro 10:1

Ri ngata Kaisarea naria saito langgai nosanga i Kornelius. Ia tantara nu Magau Mbaso Kaisar bo ia balengga ntantara anu nombabalenggai saatu tantara ntanina anu niuli Lunu ntoItalia.

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 16:10

Jadi naupu nikita i Paulus haitu, kaliu-liu nanggalivomo kami hau ri propinsi Makedonia, sabana nipekiri kami, Alatala mpuu-mpuu nantudu kami mompatolele Kareba Belo ka tona hamai.

Suro-Suro 18:2

Nakava sumai, ia nosintomu ante toYahudi nosanga i Akwila anu nipoanaka ri propinsi Pontus. I Akwila ante bereina mombine i Priskila dako nakava ri ngata Korintus lako ri propinsi Italia. Ira nolinja hau ri Korintus sabana i Klaudius, Magau Mbaso, nomparenta pura-pura toYahudi kana mompalaisi ngata Roma ri propinsi Italia. I Paulus hau nantunggai ira randua,

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 21:32

Nangepe pakilu haitu, tadulako haitu kaliu-liu nangala tantara-tantarana bo hau nasalisa ri kagado haitu. Nanggitapa tantara-tantara nakava, nenontomo todea nombaboba i Paulus.

Suro-Suro 22:26

Nangepe tesa i Paulus, balengga ntantara haitu hau ri ngayo nu tadulako bo nanguli, “Tua, agina rapekirimiu ntani ruru anu rapoviamiu ka tona haitu, sabana ia todea nu Magau Mbaso Roma!”

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 23:17

Naupu nangepe tesa nu pinoanana, i Paulus nompokio saito balengga ntantara bo nanguli ka ia, “Keni kabilasa hitu hau ri ngayo nu tadulako. Naria anu ratesana ka ia.”

Suro-Suro 24:23

Naupu haitu niparentana balengga ntantara ala i Paulus batena rajagai. Tapi nau nijagai, ledo nitarunggu ntoto apa nidekeira ia nolipa-lipa sakide bo ledo nitagi roana nakava mantulungi ia.

Suro-Suro 25:12

Jadi naupu i Festus nosimpotesa ante roa-roana anu nangisani atura-atura negara, niulina ka i Paulus, “Iko nekitangara ri ngayo Magau Mbaso ri ngata Roma. Jadi iko kana hau mantingayo Magau Mbaso!”

Suro-Suro 25:25

Tapi niparesakumo ia, ledo naria sangayaa salana nikavaku sampe masipato rahuku mate ka ia. Kaupuna, ia mboto nekitangara ri ngayo Magau Mbaso ri ngata Roma. Sabana haitu, nipakatantukumo ia kana rakeni hau ri ngayo Magau Mbaso.

Suro-Suro 27:11

Tapi i Yulius ledo nipangalana tesa i Paulus, nipangalanapa tesa ntopompajala kapala bo tupu nu kapala pade tesa i Paulus.

Suro-Suro 27:43

Tapi i Yulius nantagi ira, sabana ia madota mompakasalama i Paulus. Nituduna pura-pura tona natau norabu mokolu motingganavu rara ntasi morabu hau ri kabatana.

Suro-Suro 27:6

Ri ngata Mira, i Yulius nanggava kapala mbaso anu nakava lako ri ngata Aleksandria hau ri propinsi Italia. Jadi nituduna kami molinja ri kapala haitu.

Suro-Suro 28:1

Nasalama puramo kami nesore ri kabatana, pade nisani kami levuto haitu nosanga Malta.

Suro-Suro 28:16

Nakavapa kami ri ngata Roma, nidekeimo loga ka i Paulus monturo ri banua mboto ante tantara saito anu mombajagai ia ri sia.

Ibrani 13:24

Pakavote tabe kami ka pura-pura pakenimiu bo ka pura-pura todea nu Alatala ri situ. Bo tarimamo tabe lako nte sampesuvuta sampomparasaya ri propinsi Italia.