Suro-Suro 26:8 - Kaili Ledo

⁸ Nakuya sampesuvuku toYahudi ledo nompakule nomparasaya Alatala mompakatuvu mpanjili tona namate?

Suro-Suro 26:8 ပူးပေါင်းရင်းမြစ်များ

Lukas 1:37

Pura-pura anu niuliku ka iko kana majadi, apa ledo ria tesa nu Alatala ledo madupa.”

Lukas 18:27

Nanguli i Yesus, “Anu ledo rapakule nu manusia nipakule nu Alatala.”

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Suro-Suro 25:19

Ira aga nosisala panggava ka agamara mboto, bo muni ka saito tona nosanga i Yesus. Tona haitu namatemo, tapi i Paulus nanguli Ia natuvu mpanjili.

Suro-Suro 4:2

ToSaduki ledo nomparasaya tomate matuvu mpanjili. Jadi narau mpuu ira nangepe i Petrus bo Yohanes nompatuduki ka todea i Yesus natuvu mpanjili lako ri kamateNa. Sabana, pepatudukira haitu nompakalanto tomate matuvu mpanjili.

1 Korintus 15:34

Jadi pakanoto mpanjili pekirimiu bo tumo rapovia dosa! Da nariapa sanu komiu dopa nosisani belo nte Alatala. Niuliku ivesia ala maeya matamiu.

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.