Suro-Suro 26:7 - Kaili Ledo

⁷ Kami toYahudi, muli lako ri sapulu randua ana i Israel, nanjarumaka pojanji haitu rapakadupa nu Alatala. Haitumo sampe kami ledo nabasa-basa eo bongi netupu nte Alatala. O Magau nibilaku! Yaku nipangadu ntoYahudi sabana yaku nomparasaya pojanji haitu, nasimbayu nte ira!

Suro-Suro 26:7 ပူးပေါင်းရင်းမြစ်များ

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Lukas 2:25

Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Lukas 22:30

Jadi komiu muni madamba mangande bo manginu ante Yaku ri PoparentaKu tempo Yaku majadi Magau. Bo komiu monturo ri sapulu randua gadera magau bo momparenta tona lako ri sapulu randua valaa ntoIsrael.”

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Suro-Suro 24:15

Yaku nasimbayu ante toYahudi gahitu, yaku muni nanjarumaka Alatala mompakatuvu pura-pura tona lako ri kamatera, tona nanoa bo muni tona nadaa.

Suro-Suro 26:2

“Magau Agripa nibilaku. Nirasaiku nauntu mpuu yaku namala manjaliku karoku ri ngayomiu manguli pura-pura pangadu ntoYahudi ka yaku.

Suro-Suro 26:3

Nelabipa vai, Pua, sabana komiu mpuu-mpuu nangisani pura-pura ada bo pepatuduki nipoposisala kami toYahudi. Sabana haitu, yaku merapi mpuu-mpuu nte komiu, mosabara mangepe tesaku hitu.

Suro-Suro 28:20

Jadi haitu sampe yaku nerapi mosintomu ante komiu. Yaku madota mombatesa ka komiu parakaraku hitu. Kakanana yaku hii nibalanggu sabana yaku nomparasaya Magau Topepakasalama anu nitongorakata ntoIsrael pura-pura.”

Filipi 3:11

ala yaku muni mamala rapakatuvu mpanjili lako ri kamateku.

1 Tesalonika 3:10

Eo bongi kami nerapi nte Alatala ante mpuu-mpuu rara kami ala kami mamala mosinggava nte komiu bo mompatuduki anu dopa nipatuduki ka komiu ala mpuu-mpuu maroso pomparasayamiu.

1 Timotius 5:5

Timbala anu mpuu-mpuu natuvu saitona bo ledo mpuu naria isema-sema mompiarana, aga natuvu manjarumaka Alatala. Eo bongi ia nosambaya njuu nerapi tulungi nte Ia.

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.