Suro-Suro 26:6 - Kaili Ledo

⁶ Hitupa yaku neangga ri ngayomiu ri sii ratangara, sabana yaku nanjarumaka Alatala mompakadupa pojanjiNa ka totua kami nggaulu.

Suro-Suro 26:6 ပူးပေါင်းရင်းမြစ်များ

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Suro-Suro 24:15

Yaku nasimbayu ante toYahudi gahitu, yaku muni nanjarumaka Alatala mompakatuvu pura-pura tona lako ri kamatera, tona nanoa bo muni tona nadaa.

Suro-Suro 24:21

Ledo naria sala nikavara, aga sambela tesa niuliku ri ngayora anu ledo nipokonora, ivei: ‘Yaku nitangara eo hitu, sabana yaku nomparasaya tona namate kana matuvu mpanjili.’ ”

Suro-Suro 26:8

Nakuya sampesuvuku toYahudi ledo nompakule nomparasaya Alatala mompakatuvu mpanjili tona namate?

Suro-Suro 28:20

Jadi haitu sampe yaku nerapi mosintomu ante komiu. Yaku madota mombatesa ka komiu parakaraku hitu. Kakanana yaku hii nibalanggu sabana yaku nomparasaya Magau Topepakasalama anu nitongorakata ntoIsrael pura-pura.”

Suro-Suro 3:24

Nabi-nabi ntanina anu nompasimbayu tesa lako nte Alatala nggaulu, nompamula lako ri Nabi Samuel sampe nabi-nabi natuvu purina, ira pura nombatesa anu najadi ri tempo sii-sii.

Roma 15:8

Toramo, i Kristus nakava ri dunia mombatulungi toYahudi, ala pojanji nu Alatala ka totuara nggaulu madupa bo rasani ntona pura-pura, tesa nu Alatala namala raparasaya.

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.