Suro-Suro 26:29 - Kaili Ledo

²⁹ Nesanamo i Paulus, “Bara masae bara ledo, kuperapi nte Alatala ala komiu bo gubernur, bo pura-pura tona nangepe tesaku eo hitu, majadi toKristen nasimbayu mpo yaku. Aga ledo nirante mpo yaku.”

Suro-Suro 26:29 ပူးပေါင်းရင်းမြစ်များ

Yohanes 5:34

Kakanana ledo paraluu manusia mompakalanto isema Yaku. Tapi Kupopatora ka komiu tesa i Yohanes ala komiu mamala rapakasalama.

Suro-Suro 12:6

Bongina dopame Magau Herodes mombatangara i Petrus ri ngayo ntodea, i Petrus naturu ri tarunggu ri olo ntantara randua, nipou nu rante rompenga. Naria muni randua tantara ntanina nojaga ri vamba.

Suro-Suro 21:33

Jadi tadulako haitu nombasaka i Paulus, bo nituduna tona nombarante ia ante rompenga rante. Naupu sia nipekutanana ka todea, “Isema tona hitu? Nuapa nipoviana?”

Suro-Suro 25:14

Naliu bara sako-mbongi ira ri sia, i Festus nombatesa parakara i Paulus ka Magau Agripa. Nanguli i Festus, “Ri sii naria saito tona nosanga i Paulus. Ia nipalamba i Feliks riara ntarunggu.

Roma 10:1

Sampesuvuku sampomparasaya! Naoge mpuu raraku ala sampesuvuku toIsrael mamala rapakasalama. Yaku nasaro nosambaya ka ira.

1 Korintus 4:8

Natantu nisarumakamiu nagana puramo nte komiu, nakalumanamo komiu riara mpengaya-ngaya. Nisarumakamiu komiu nomparenta mpo magaumo bo kami ledo. Mabelo mpuu ane makana komiu najadi magau, ala kami muni mamala momparenta mosanggani-nggani nte komiu!

1 Korintus 7:7

Kakanana nipokonokupa ane pura-pura tona maloa mpo yaku. Tapi pura-pura tona nidekeika pompakulena mboto lako nte Alatala. Naria tona nompakule matuvu maloa sampe mamate, tapi naria ntanina ledo nidekeika pompakule haitu.

2 Korintus 11:1

Sampesuvu-sampesuvu, kuperapi komiu mosabara ruru mangepe yaku motesa mpo todoyo. Komiu nosabara mami nte yaku.

Efesus 6:20

Yaku niposumba i Yesus Kristus mompatolele Kareba Belo. Bo sii-sii yaku nitarunggu sabana nompatolele Kareba haitu. Jadi, posambayakamo yaku ala mabia yaku mompatolele Kareba Belo, sabana haitumo pokarajaa nidekei nu Alatala ka yaku.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.