Suro-Suro 26:24 - Kaili Ledo

²⁴ Da notesa i Paulus nanjaliku karona, nongaremo Gubernur Festus, “Nabayamo iko, Paulus! Pangisanimu nadea tutu nompakabaya iko!”

Suro-Suro 26:24 ပူးပေါင်းရင်းမြစ်များ

Markus 3:21

Sampesuvu i Yesus nangepe anu nipoviaNa haitu bo nisarumakara nabayamo Ia. Jadi nakavamo ira mangala Ia.

Yohanes 7:15

Pakeni ntoYahudi nokumaa mpuu nangepe pepatuduki i Yesus, bo nanguli, “Hee! Nakuya sampe nadea mpuu nisaniNa, tano mai Ia ledo nosikola?”

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Suro-Suro 17:32

Tempo todea nangepe tesa tomate natuvu mpanjili lako ri kamatena, naria sanu ira nompongirika i Paulus, sabana ledo niparasayara tomate mamala matuvu mpanjili. Tapi naria muni sanu nanguli, “Kami da madota mangepe hanupa tesamu tutu!”

Suro-Suro 22:1

“Sampesuvu-sampesuvu pura-pura. Epemo tesaku manjaliku karoku hitu!”

Suro-Suro 24:25

I Paulus nanguli pokaingguta kana manoa, bo kita ledo mamala mangoseaka dota rarata nadaa, apa makava Eo Potangara ngena tempo Alatala mombatangara pura-pura manusia. Nangepe tesa i Paulus, naeka mpuumo i Feliks. Nanguli ia, “Ivesiamo ruru. Ane maria loga damo kupokio pade motesa vai kita.”

Suro-Suro 24:27

Rompae kaliuna, i Feliks nisambei, bo i Perkius Festus najadi gubernur ri bagia haitu. Tempo nolinja i Feliks, ia madota mangala rara ntoYahudi, jadi nipalambanamo i Paulus riara ntarunggu.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

1 Korintus 1:23

Tapi kami aga nompatolele Kareba kamate i Kristus ri kayu salib. KamateNa haitu nompakadua rara ntoYahudi, bo nireke ntoYunani aga tesa ledo ria gunana.

1 Korintus 4:10

Kami nireke ntona todoyo sabana kami nangoseaka i Kristus. Tapi nangoseaka pekirimiu, komiumo topomparasaya nanoto! Kami nireke ntona nalente tapi nangoseaka pekirimiu, komiumo naroso! Kami nisalai ntona tapi komiu nitoiya ntona!

2 Korintus 5:13

Niuli ntona kami nabaya. Kami nipeinta nabaya, sabana kadidi rara kami novia pokarajaa nidekei nu Alatala ka kami. Bo ane niulimiu kami nanoto, nisanimiu kami nokarajaa ivesia ala manggeni belo ka komiu.

2 Timotius 3:15

Lako ri kakodimu nisanimu isi Buku Gasa, bo Buku Gasa haitumo nompakanoto raramu sampe iko namala nomparasaya i Yesus Kristus bo rapakasalama.