Suro-Suro 26:19 - Kaili Ledo

¹⁹ “Magau Agripa, haitu sabana yaku hii batena nangoseaka anu nipopakita nu Alatala ka yaku.

Suro-Suro 26:19 ပူးပေါင်းရင်းမြစ်များ

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Suro-Suro 26:2

“Magau Agripa nibilaku. Nirasaiku nauntu mpuu yaku namala manjaliku karoku ri ngayomiu manguli pura-pura pangadu ntoYahudi ka yaku.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Galatia 1:16

Ia nompopaisani AnaNa i Yesus ka yaku ala yaku mamala mompatolele Kareba Belo anu notesaki AnaNa haitu ka tona ledo toYahudi. Tempo yaku nipokio nu Alatala, yaku ledo kaliu-liu hau nte manusia merapi rapatuduki, apa i Yesus mbotomo nompopaisani Kareba haitu ka yaku.