Suro-Suro 26:13 - Kaili Ledo

¹³ Magau nibilaku! Tempo yaku da ri dala, nitasere tanga eo, nikitaku reme lako ri langi naremepa pade pevanta nu eo. Reme haitu nombavanta yaku ante roa-roaku sampolipa.

Suro-Suro 26:13 ပူးပေါင်းရင်းမြစ်များ

Matius 17:2

Tempo ira hamai, nabalimo lenje i Yesus ri ngayora. LenjeNa nareme mpuu eva kareme nu mata eo, bo bajuNa nabula damo nenggila.

Suro-Suro 22:6

“Yaku da riara mpolipaku, naparamo kami ri ngata Damsyik, nitasere tanga eo, sampesanika naria reme lako ri langi nareme mpuu nombavanta yaku.

Suro-Suro 22:9

Pura-pura tona nomporoa yaku nanggita reme haitu, tapi ledo niepera suara notesa ka yaku.

Suro-Suro 26:12

“Ivesia muni patujuku hau ri ngata Damsyik ante sura kuasa lako ri balengga-balengga ntopanggeni pesomba.

Suro-Suro 26:14

Kami pura-pura nadungga ri tana, bo niepeku suara nanguli ante basa Ibrani ivei: ‘Saulus, Saulus! Nakuya iko nompandasa Yaku? Iko aga mompakasusa karomu mboto ane batena mueva pekeniaka nTupumu!’

Suro-Suro 9:3

Riara polipana hau ri ngata Damsyik, tempo napara ngata haitu, sampesanika naria reme nevanta lako ri langi nantiku ia.

Pompakita 1:16

Ri pale ngganaNa naria pitu-angu betue, bo lako ri ngangaNa nesuvu samata guma nomata ntimali bo natada mpuu. Bo lenjeNa mpo vanta nu eo natongo.

Pompakita 21:23

Bo ngata haitu ledo paraluu reme nu eo bara reme nu bula, sabana reme lako nte Alatala nompakaremena, bo Ana Bimba najadi poindona.