Suro-Suro 25:6 - Kaili Ledo

⁶ Dopa nasae i Festus nakava ri ngata Yerusalem, nitasere valu-mbongi bara sapulu-mbongi kasaena, nanjilimo ia hau ri ngata Kaisarea. Nakava sumai, kamailena nesuamo ia ri banua potangara bo nituduna tona manggeni i Paulus mantingayo ia.

Suro-Suro 25:6 ပူးပေါင်းရင်းမြစ်များ

Matius 27:19

I Pilatus da nonturo ri Ponturo Potangara haitu, nakavamo saito tona nanggeni petevai nu berei i Pilatus, nanguli ivei: “Nee ratangara parakara ntona ledo nasala haitu! Iamo sampe pangipiku nadaa ibongi.”

Yohanes 19:13

Nangepe peparangga ntoYahudi haitu, nikeni i Pilatusmo i Yesus hau ri savalikuna bo nonturomo ia ri gadera potangara ri ponturo niuli “Jaula Vatu.” Ane riara basa Ibrani, sangana “Gabata.”

Suro-Suro 25:1

Naliu katalu-mbongina i Festus nakava ri bagia haitu, nantendemo ia lako ri ngata Kaisarea hau ri ngata Yerusalem.

Suro-Suro 25:10

Nesana i Paulus, “Pua, ledo madota yaku, sabana hitu-hitu yaku neangga ri ngayomiu, apa komiu topotangara anu nipakatantu Magau Mbaso Roma mboto, bo ri siimo yaku masipato ratangara. Pua, nisanimiu mbotomo ledo naria salaku nte toYahudi.

Suro-Suro 25:17

Jadi tempo tona nompangadu i Paulus nakava ri sii, ledo nipopeaku pakasae. Kamailena haitu nipasiromukumo polibu potangara bo niparentaku i Paulus rakeni rapoposintingayo nte tona nompangadu ia.

Suro-Suro 25:4

Tapi i Festus nesana, “I Paulus da nijagai ri ngata Kaisarea, bo yaku mboto domo masae manjili hau.

Suro-Suro 25:5

Jadi, aginamo bara sako-ndua komiu anu naria nturomiu, motua mosanggani-nggani ante yaku hau ri ngata Kaisarea. Ane maria mpuu sala i Paulus, hamai pade kuepe pangaduamiu.”

Suro-Suro 8:40

Ledo nisani-sani, nariamo i Filipus ri ngata Asdod. Nipapolana polipana bo nipatolelena Kareba Belo i Yesus ka todea ri pura-pura ngata sampe nakava ri ngata Kaisarea.

2 Korintus 5:10

Apa kita pura-pura kana mantingayo i Kristus bara maipia ala ratangaraNa. Maupu ratangaraNa, simbo rakavata anu nipakatantu nangoseaka anu nipoviata tempo kita natuvu ri dunia hitu, bara povia nabelo bara povia nadaa.

Yakobus 2:6

Tapi nau ivesia, da nisalaimiupa ira bo tona nakalumana nibilamiu. Tano mai, tona nakalumana nantamanaka komiu bo nangumbunjai komiu hau ri ngayo ntopotangara!