Suro-Suro 24:5 - Kaili Ledo

⁵ Nikita kami i Paulus tuu topegado nadaa ntoto. Nipakagadona toYahudi ri umba-umba ngata. Ia muni pakeni ntona nangoseaka pepatuduki i Yesus toNazaret.

Suro-Suro 24:5 ပူးပေါင်းရင်းမြစ်များ

Matius 10:25

Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Markus 1:24

<>

Lukas 23:19

(I Barabas haitu nitarunggu sabana ia nangeva pomarenta ri ngata Yerusalem, bo ia topepatesi.)

Lukas 23:2

Ri sia ira nombarai Ia. Niulikara i Pilatus, “Tona hitu nikava kami nompatuduki tona mangeva pomarenta. NitagiNa tona mombayari balasitee ka Magau Mbaso Kaisar, bo niuliNa Iamo i Kristus, saito Magau.”

Lukas 23:25

bo nikabasakana ka ira tona niperapira, haitumo i Barabas, anu nitarunggu sabana nangeva pomarenta bo nepatesi. Bo i Yesus nidekeina ka tantara Roma mompatesina nangoseaka dota nu pakeni ntoYahudi.

Lukas 23:5

Tapi aga nantambaipa pebarusura bo nanguli, “PepatudukiNa nompakapane rara ntodea ri njumangu ngata ri bagia Yudea hitu. Ia nompamula nompatuduki ri bagia Galilea, sampe nakava ri sii munimo.”

Suro-Suro 15:5

Tapi bara sako-ndua toFarisi anu nomparasaya i Yesus neangga bo nanguli, “Ane tona ledo toYahudi nomparasaya i Yesus, ira kana rasuna bo rapatuduki mangoseaka Atura-atura nidekei Nabi Musa ka kita.”

Suro-Suro 21:28

bo nongare-ngare, “ToYahudi! Tulungimo kami! Hitumo tona hau ri umba-umba nompatuduki todea mangeva kita toYahudi. Nipatudukina tona mombabaliki Atura-atura agama anu nipapola Nabi Musa, bo nisalaina Banua nu Alatala hitu! Sii-sii nikenina tona ledo toYahudi nesua riara Banua nu Alatala nompakaruto ponturo nagasa hitu!”

Suro-Suro 22:22

Todea haitu nalino nangepe tesa i Paulus. Tapi nieperapa ia hau nte ntona ledo toYahudi, domo nipokonora mangepe anu ratesana. Nongaremo ira ante suara namangga mpuu, “Patesimo tona tutu! Ia domo masipato matuvu!”

Suro-Suro 24:14

Tapi yaku kana mompangaku ri ngayomiu, yaku netupu nte Alatala nantuntuni pepatuduki i Yesus. Panguli ntoYahudi gahitu, pepatuduki haitu nasala. Tapi yaku bate-batena netupu nte Alatala anu nisomba ntotua kami nggaulu, bo nomparasaya pura-pura anu nitulisi riara Buku Atura Agama bo Buku Nabi-nabi.

Suro-Suro 24:4

Pua, kami ledo madota masae gaga. Tapi nisani ntonamo kabelo raramiu, sampe kami merapi nte komiu ala raepemiu sampalai pangadua kami hitu.

Suro-Suro 25:7

Nakavapa i Paulus, toYahudi anu notua lako ri ngata Yerusalem pangane, neangga nombatiku ia bo nompangadu ia ka i Festus. Mpengaya-ngaya kasala bo kadaa nipangadukara. Tapi aga nikara-karara nggoo, ledo ria katantuna nuapa sala i Paulus.

Suro-Suro 26:5

Nasaemo nisanira yaku. Ane rapodotara, ira mboto mamala majadi sabi katuvuku hitu. Nompamula lako ri pantepuuna, nioseakaku pepatuduki ntoFarisi, anu mpuu-mpuu natutu nangoseaka pura-pura atura agama kami ntoYahudi.

Suro-Suro 28:22

Tapi kami madota mangepe komiu motesa anu niparasayamiu, sabana nisani kami, ri umba-umba nisalai ntona pepatuduki nioseakamiu tutu.”

Suro-Suro 5:17

Kaupuna Pakeni nTopanggeni Pesomba ante roa-roana anu nangoseaka pepatuduki ntoSaduki, nasiriatimo nanggita kadea ntona nomparasaya i Yesus. Jadi ira nompamula nompandasa suro-suro i Yesus.

Suro-Suro 6:13

Nikenira muni sabi-sabi mpodava ri ngayo ntoPolibu haitu mombatesa i Stefanus anu ledo nakana-kanaka. Sabi-sabi haitu nanguli, “I Stefanus nasaro nanjalai Banua nu Alatala anu nagasa, bo nasaro muni nisalaina Atura-atura nu Alatala anu nipapola Nabi Musa ka kita.

1 Korintus 11:19

Komiu kana matebagi-bagi mami ala rasani isema komiu mpuu-mpuu nangoseaka i Yesus!

1 Korintus 4:13

Ane nisalai ntona kami, kami nesana ante tesa nalusu. Kami nipeinta mpo rumpu ri dunia hitu. Sampe sii-sii kami nipeinta mpo tai.

1 Petrus 2:19

Ane komiu rapandasa nau komiu ledo nasala, bo komiu mosabara riara kasusa haitu sabana nitoramiu dota nu Alatala, komiu ratoiya nu Alatala.