Suro-Suro 24:22 - Kaili Ledo

²² Jadi Gubernur Feliks nompopenonto polibu haitu apa nisanina mami pepatuduki i Yesus. Niulina, “Kupakaupu parakara hitu ane mariamo Tadulako Lisias ri sii.”

Suro-Suro 24:22 ပူးပေါင်းရင်းမြစ်များ

Matius 2:7

Naupu haitu Magau Herodes nompokio tona lako ri mpandakena haitu mosintomu nggalino ante ia, bo nipekutanana pakabelo-belo tempo peonga betue nipeintara haitu.

Suro-Suro 18:20

Niperapira i Paulus masae sakide monturo ante ira, tapi ledo nadota ia.

Suro-Suro 19:40

Apa anu najadi eo hitu mamala mompakadaa kita pura-pura! Pomarenta Magau Mbaso mamala mombarai kita topeeva, sabana ledo ria nuapa-nuapa mamala raulita mompakakana kagado hitu!”

Suro-Suro 24:10

Naupu haitu, gubernur haitu nombalaeraka palena ka i Paulus ala ia mesana. Jadi i Paulus nanguli, “Gubernur nibilaku. Pua, nadamba raraku mombasaliku karoku ri sii ri ngayomiu, apa nisaniku komiu nompae-mpaemo najadi topotangara ri ngata hitu.

Suro-Suro 24:14

Tapi yaku kana mompangaku ri ngayomiu, yaku netupu nte Alatala nantuntuni pepatuduki i Yesus. Panguli ntoYahudi gahitu, pepatuduki haitu nasala. Tapi yaku bate-batena netupu nte Alatala anu nisomba ntotua kami nggaulu, bo nomparasaya pura-pura anu nitulisi riara Buku Atura Agama bo Buku Nabi-nabi.

Suro-Suro 24:24

Bara sako-mbongi kaliuna, nanjilimo Gubernur Feliks nosanggani-nggani ante bereina nosanga i Drusila. I Drusila mai, toYahudi. I Feliks nantudu tona hau mangala i Paulus rakeni ri ngayona ala raepena i Paulus nombatentei pomparasayana i Yesus Kristus.

Suro-Suro 24:6

Ledo aga haitu, tapi ia madota mompakaruto Banua nu Alatala. Haitu sampe nisaka kamimo ia. [Patuju kami mombatangara ia mantuntuni atura-atura agama kami mboto.

Suro-Suro 25:26

Aga dopa nisaniku nuapa kutulisi ka Magau Mbaso, apa dopa ria katantuna kasalana. Haitumo sabana yaku nompopositingayo ia nte komiu pura-pura, nelabipa komiu, Magau Agripa nibilaku. Patujuku, ane maupu ia raparesata ri sii, kana mariamo anu mamala kutulisi ka Magau Mbaso.

Suro-Suro 26:3

Nelabipa vai, Pua, sabana komiu mpuu-mpuu nangisani pura-pura ada bo pepatuduki nipoposisala kami toYahudi. Sabana haitu, yaku merapi mpuu-mpuu nte komiu, mosabara mangepe tesaku hitu.

Suro-Suro 9:2

bo nerapi sura kuasa rakenikana ka pakeni agama ri banua petupu ntoYahudi ri ngata Damsyik. Patujuna, ane rakavana topangoseaka Pepatuduki i Yesus, bara langgai bara mombine, rasakana bo rakenina hau ratangara ri ngata Yerusalem.