Suro-Suro 24:16 - Kaili Ledo

¹⁶ Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

Suro-Suro 24:16 ပူးပေါင်းရင်းမြစ်များ

Suro-Suro 23:1

Nakava sumai, nikanoto i Paulusmo toPolibu Mbaso Agama bo niulina, “Sampesuvu-sampesuvuku. Sampe ri eo hitu, yaku natuvu nanoa, nagasa ri panggita nu Alatala.”

Roma 2:15

Lako ri pokainggura nisanita naria parenta lako ri Atura agama nitulisi riara ntaira. Lako ri pekiri rara ntaira muni nisanita naria parenta riara ntaira, apa neumba lako riara ntaira mboto: <> atau: <>

Roma 9:1

Yaku nosangu rara ante i Kristus, jadi yaku ledo nodava. Pekiri rara ntaiku nikeniaka Nosa Gasa, bo pekiri rara ntaiku muni nanguli yaku ledo nodava. Anu kuuli hitu mpuu-mpuu nakana, ledo aga davaku:

1 Korintus 10:32

Nee sampe pokainggumiu manggeni tona ntanina manavu riara dosa, nau toYahudi nau tona ledo toYahudi, nau todea topomparasaya Alatala.

1 Korintus 4:4

Nabula raraku. Pangisaniku mboto, ledo naria anu masipato rapakasala riara nggatuvuku. Tapi ledo kabula raraku hitu mompakatantu yaku manoa ri panggita nu Alatala. Aga i Pue Yesus mamala mombabotusi bara nasala yaku bara ledo.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

1 Tesalonika 2:10

Nisanimiu mboto kagasa katuvu kami nte komiu topomparasaya i Kristus. Pokainggu kami nagasa bo nanoa, bo ledo ria nuapa-nuapa masipato rasalai. Nisanimiu bo nisani nu Alatala muni tesaku hitu nakana.

1 Timotius 1:19

Pakaroso pomparasayamu, bo iko kana bate-batena movia anu nisanimu nabelo ala iko ledo rasalai nu pekirimu. Naria bara sako-ndua tona domo nompeili anu nisanira nabelo rapoviara, sampe nageromo pomparasayara,

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

1 Timotius 3:9

Ia kana maroo momparasaya pepatuduki nakana anu nipopaisani nu Alatala ka kita, bo kana mangoseaka pepatuduki haitu ante mpuu-mpuu rarana.

2 Timotius 1:3

Yaku nosukuru nte Alatala anu nisombaku ante rara nagasa, nasimbayu mpo nipovia ntotuaku nggaulu. Yaku nasaro nanguli tarima kasi ka Alatala sabana iko, bo eo bongi yaku nantora iko riara posambayaku.

Titus 1:15

Ane tona nagasa rarana, pura-pura poviana nagasa. Tapi ane tona nadaa pekirina bo ledo nomparasaya Alatala, ledo ria poviana nuapa-nuapa nagasa, sabana pekiri bo rara ntaira nadaa mami.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 13:18

Sampesuvu-sampesuvu, posambayakamo kami. Nisani kami, rara ntai kami nagasa apa kami batena madota mokainggu nabelo riara mpengaya-ngaya.

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

1 Petrus 2:19

Ane komiu rapandasa nau komiu ledo nasala, bo komiu mosabara riara kasusa haitu sabana nitoramiu dota nu Alatala, komiu ratoiya nu Alatala.

1 Petrus 3:16

Bo komiu kana matuvu ante rara ntai nagasa, mbelaka maria tona manjalai pokainggu nabelo nipoviamiu sabana pangoseakamiu i Kristus, ira kana maeya mboto.

1 Petrus 3:21

Uve oge haitu nirapaka ada pediu anu nompakasalama kita sii-sii. Ada pediu haitu ledo ada pompegasa tapa lako ri karota, tapi tandana kita topangoseaka i Yesus. Ada haitu nireke pojanjita nte Alatala ala kita mangoseaka Ia sabana niampungiNa dosata. Bo niampungiNa mpuu dosata sabana i Yesus natuvu mpanjili lako ri kamateNa.