Suro-Suro 23:7 - Kaili Ledo

⁷ Nangepe haitu, toFarisi bo toSaduki ri sia nosinggarau mbotomo, sampe Polibu haitu natebagi randua libu.

Suro-Suro 23:7 ပူးပေါင်းရင်းမြစ်များ

Matius 10:34

“Nee rapekirimiu kakavaKu hii manggeni posinggabelo ri dunia. Ledo nakana! Tapi kakavaKu hii nanggeni posieva.

Suro-Suro 14:4

Tapi tona ri ngata haitu ledo nasintuvu. Naria nosabingga ka toYahudi, bo naria muni nosabingga ka suro-suro.

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Suro-Suro 23:8

Haitu najadi sabana nantuntuni panggava ntoSaduki, tona namate ledo matuvu mpanjili. Pangulira muni ledo naria malaeka nTupu, bo ledo muni naria nyawa nu manusia. Tapi toFarisi niparasayara pura.