Suro-Suro 23:34 - Kaili Ledo

³⁴ Naupu Gubernur Feliks nombaca sura haitu, nipekutanana i Paulus, “Ri umba ngatamu?” Nesana i Paulus, “Yaku toKilikia.” Nisani gubernurpa i Paulus lako ri propinsi Kilikia, anu nambela bagia niparentana,

Suro-Suro 23:34 ပူးပေါင်းရင်းမြစ်များ

Lukas 23:6

Nangepe haitu, nekutanamo Gubernur Pilatus, “ToGalilea Ia hii?” Nesana tona, “Iyo, toGalilea Ia.”

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Suro-Suro 21:39

Nesanamo i Paulus, “Ledo. Yaku hii toYahudi, lako ri Tarsus ngata mbaso ri propinsi Kilikia. Kuperapi, dekei kaku loga motesa ka todea hitu.”

Suro-Suro 25:1

Naliu katalu-mbongina i Festus nakava ri bagia haitu, nantendemo ia lako ri ngata Kaisarea hau ri ngata Yerusalem.

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.