Suro-Suro 23:14 - Kaili Ledo

¹⁴ Hau ira ri ngayo balengga-balengga ntopanggeni pesomba bo totua-totua ntoYahudi bo nanguli, “Kami hii nosumpa puramo, kami dopa mangande dopa manginu, ane dopa rapatesi kami i Paulus!

Suro-Suro 23:14 ပူးပေါင်းရင်းမြစ်များ

Suro-Suro 23:12

Naeo mpadondo, nelabi patapulu toYahudi nonia mompatesi i Paulus. Ira pura-pura nosumpa ane dopame rapatesira i Paulus, dopa mangande, dopa manginu.

Suro-Suro 23:20

Nesanamo kabilasa haitu, “ToYahudi nasintuvu merapi komiu manggeni i Paulus mantingayo Polibu Mbaso Agama maile. Raulira da nariapa bara sako-ngaya rapekutanara nte i Paulus.

Suro-Suro 23:21

Tapi kuperapi nte komiu, nee mpuu rapoiyomiu perapira haitu. Apa nelabi patapulu ira nasadiamo mombalava i Paulus ri dala. Ira pura-pura nosumpa ledo mangande bo ledo manginu ane dopa rapatesira i Paulus. Nasadiamo ira. Ira damo nompopea pesanamiu.”