Suro-Suro 23:11 - Kaili Ledo

¹¹ Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 23:11 ပူးပေါင်းရင်းမြစ်များ

Matius 14:27

Tapi kaliu-liu nanguli i Yesus ka ira, “Nee maeka! Pakaroso raramiu! Yaku hii!”

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 9:2

Hamai naria bara sako-ndua tona nombakova roara hau nte i Yesus. Roara haitu napunggu bo naturu ri ompa paturuna. Nanggita karoso nu pomparasayara, nangulimo i Yesus ka topunggu haitu, “AnaKu, pakaroso raramu. Dosamu niampungimo.”

Lukas 16:28

Da nariapa alima sampesuvuku hamai. Tudumo i Lazarus hau mompainga ira ala ira ledo mesua ri ponturo pepandasa hitu.’

Yohanes 14:18

Ledo Kupalaisi mpo ngana pailu komiu, apa Yaku manjili vai tumai nte komiu.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Suro-Suro 18:9

Naria sambongi, Tupu neonga nte i Paulus riara pangipina, bo nanguli “Nee maeka ka tona! Nee menonto mompatolele TesaKu,

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 2:25

Magau Daud nggaulu nombaboto i Yesus matuvu mpanjili ivei: ‘Nikitaku Tupu nasaro nombajagai yaku. Ia ri sabingga ngganaku mombatulungi yaku ala yaku ledo molengga ragoya nuapa-nuapa.

Suro-Suro 20:22

Hitupa yaku hau ri ngata Yerusalem nangoseaka parenta Nosa Gasa nu Alatala ka yaku. Dopa nisaniku nuapa pura majadi nte yaku hamai.

Suro-Suro 22:15

Iko majadi sabiNa ka pura-pura tona bo mupatolele anu nikitamu bo anu niepemu.

Suro-Suro 22:18

Nikitaku i Yesus bo niulikaNa yaku, ‘Palaisimo ngata Yerusalem masalisa, apa ledo ratarimara posabimu nombatesaki Yaku.’

1 Korintus 9:1

Yaku hii nakuasa novia nuapa-nuapa nipodotaku. Yaku hii suro i Yesus. Yaku mboto nanggita Tuputa i Yesus. Bo komiu mbotomo asele pokarajaa nipoviaku ka i Pue.

Filipi 1:13

Pura-pura tantara anu nombajagai banua nu Magau Mbaso bo pura-pura tona ntanina ri sii, nisanira yaku hii nitarunggu sabana yaku nokarajaa ka i Kristus.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.