Suro-Suro 22:3 - Kaili Ledo

³ “Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

Suro-Suro 22:3 ပူးပေါင်းရင်းမြစ်များ

Lukas 10:39

Naria saito sampesuvuna mombine, nosanga i Maria. I Maria haitu nakava nonturo napara kada i Yesus bo nompetalingai pepatudukiNa.

Lukas 2:46

Nagana katalu-mbongina pade nikavara Ia ri Banua nu Alatala. Ia nonturo ri sia nangepe guru agama notesa bo nipekutana-tanaNa ira.

Lukas 8:35

Nangepe tesa ntopojaga bavu, hau puramo ira manggita anu najadi. Tempo ira nakava nte i Yesus, nikitara tona nipesua nu seta pangane nakabasakamo lako ri seta-seta bo nonturo ri sinjori i Yesus. Nopakeamo ia bo nanotomo rarana. Nanggita haitu, naeka puramo ira.

Suro-Suro 11:25

Naupu haitu i Barnabas hau ri ngata Tarsus mangelo i Saulus.

Suro-Suro 15:23

Jadi nitulisira santau sura rakeni ntona randua pangane. Sura haitu nanguli ivei: “Sampesuvu-sampesuvu sampomparasaya anu ledo toYahudi, anu nonturo ri ngata Antiokhia bo ri propinsi Siria bo Kilikia: Nadea tabe lako nte kami, suro-suro bo pakeni-pakeni ntodea topomparasaya.

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Suro-Suro 21:20

Naupu nangepe tesa i Paulus, i Yakobus ante pakeni-pakeni ntanina, nantoiya Alatala. Niulira ka i Paulus, “Sampesuvu, kana rasanimiu nonjobu-njobumo toYahudi nomparasaya i Yesus, tapi ira pura-pura da batena nangoseaka Atura-atura agama anu nipapola Nabi Musa.

Suro-Suro 21:39

Nesanamo i Paulus, “Ledo. Yaku hii toYahudi, lako ri Tarsus ngata mbaso ri propinsi Kilikia. Kuperapi, dekei kaku loga motesa ka todea hitu.”

Suro-Suro 23:34

Naupu Gubernur Feliks nombaca sura haitu, nipekutanana i Paulus, “Ri umba ngatamu?” Nesana i Paulus, “Yaku toKilikia.” Nisani gubernurpa i Paulus lako ri propinsi Kilikia, anu nambela bagia niparentana,

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Suro-Suro 26:5

Nasaemo nisanira yaku. Ane rapodotara, ira mboto mamala majadi sabi katuvuku hitu. Nompamula lako ri pantepuuna, nioseakaku pepatuduki ntoFarisi, anu mpuu-mpuu natutu nangoseaka pura-pura atura agama kami ntoYahudi.

Suro-Suro 26:9

Ivesia muni yaku bara ipia. Nisarumakaku kana kupasimbuku mangeva tona nomparasaya i Yesus toNazaret.

Suro-Suro 5:34

Tapi riara Polibu Mbaso naria saito toFarisi nosanga i Gamaliel. Ia guru agama mpuu-mpuu nipakaoge ntodea. Ia neangga bo nantudu tona manggeni suro-suro mesuvu ri savalikuna sampalai ala ledo raepera tesana.

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Suro-Suro 9:1

Ri tempo haitu, i Saulus da nompararai njuu mompatesi topangoseaka i Pue Yesus. Ia hau ri ngayo nu Pakeni nTopanggeni Pesomba,

Suro-Suro 9:11

I Pue nanguli, “Koimo hau ri dala nosanga Dala Noa. Elomo ri sia saito tona lako ri ngata Tarsus nosanga i Saulus. Hitu-hitu ia nosambaya.

Suro-Suro 9:30

Topomparasaya ntanina niepera i Saulus rapatesi, jadi nikeniramo ia notua hau ri ngata Kaisarea bo nitudura hau manjili ri ngata Tarsus, ngatana mboto.

Roma 11:1

Jadi, berimbamo? Alatala nompoara todeaNa toYahudi? Natantumo ledo! Apa yaku mboto toYahudi, muli i Abraham, bo lako ri valaa i Benyamin.

2 Korintus 11:22

Berimbamo? ToIbrani ira? Yaku muni toIbrani. ToIsrael ira? Yaku muni toIsrael! Muli i Abraham ira? Yaku muni muli i Abraham!

Galatia 1:14

Natutupa yaku nangoseaka agama Yahudi pade pura-pura roaku toYahudi anu sanggatuvu nte yaku. Nadidi mpuu raraku nangoseaka pepatuduki bo ada-ada ntotua kami nggaulu.

Galatia 1:21

Naupu haitu pade hau yaku ri bagia Siria bo Kilikia.