Suro-Suro 22:25 - Kaili Ledo

²⁵ Tapi tempo i Paulus nipou racambu, niulikana balengga ntantara anu neangga ri sia, “Berimba? Masipato todea nu Magau Mbaso Roma racambu dopame ratangara?”

Suro-Suro 22:25 ပူးပေါင်းရင်းမြစ်များ

Matius 10:17

Komiu kana mainga apa komiu rasaka ntona bo rakeni rapangadu ri ngayo ntopotangara. Bo komiu raboba riara banua-banua petupu.

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Matius 8:8

Tapi nesana balengga ntantara haitu, “Tua, yaku hii ledo masipato mantarima Komiu riara banuaku. Nau aga rauliMiu sambela rombela, mabelomo batuaku.

Suro-Suro 10:1

Ri ngata Kaisarea naria saito langgai nosanga i Kornelius. Ia tantara nu Magau Mbaso Kaisar bo ia balengga ntantara anu nombabalenggai saatu tantara ntanina anu niuli Lunu ntoItalia.

Suro-Suro 16:37

Tapi i Paulus nanguli ka polisi nakava ri sia, “Kami hii todea nu Magau Mbaso Roma! Naupa ivesia, ledo nitangara kami, aga nicambu ri ngayo ntodea, bo nisuaraka riara ntarunggu! Bo hitupa topoparenta-topoparenta mombatudu kami manjili nggalino-lino! Ledo madota kami! Kana ira mboto makava mompopesuvu kami!”

Suro-Suro 22:26

Nangepe tesa i Paulus, balengga ntantara haitu hau ri ngayo nu tadulako bo nanguli, “Tua, agina rapekirimiu ntani ruru anu rapoviamiu ka tona haitu, sabana ia todea nu Magau Mbaso Roma!”

Suro-Suro 23:17

Naupu nangepe tesa nu pinoanana, i Paulus nompokio saito balengga ntantara bo nanguli ka ia, “Keni kabilasa hitu hau ri ngayo nu tadulako. Naria anu ratesana ka ia.”

Suro-Suro 23:27

I Paulus hitu nisaka ntoYahudi bo sakidepa nipatesiramo. Niepeku ia todea Magau Mbaso Roma, jadi nikeniku salunu tantara nompakasalama ia.

Suro-Suro 25:16

Tapi yaku nesana ka ira, ‘Nantuntuni atura kami todea Magau Mbaso, ane tona nipangaduka, ia kana mosintingayo ante tona nompangadu ia, bo radekeika loga manjaliku karona. Ane dopa rapovia ivesia, dopa mamala ia rahuku.’

Suro-Suro 27:1

Naupu haitu Gubernur Festus nompakatantu i Paulus bo kami anu nomporoa ia, kana mesavi kapala ntasi hau ri ngata Roma ri propinsi Italia. Jadi i Paulus ante bara sako-ndua tona ntanina anu nitavani, niparasayaka i Yulius, saito balengga ntantara lako ri tantara-tantara Magau Mbaso.

Suro-Suro 27:3

Kamailena haitu, kapala kami nesampo ri ngata Sidon. I Yulius nabelo mpuu nte i Paulus, sampe nidekeina i Paulus hau nanggita roa-roana ri ngata Sidon ala mamala radekeira ka ia bara nuapa raparaluuna.

Suro-Suro 27:43

Tapi i Yulius nantagi ira, sabana ia madota mompakasalama i Paulus. Nituduna pura-pura tona natau norabu mokolu motingganavu rara ntasi morabu hau ri kabatana.