Suro-Suro 22:24 - Kaili Ledo

²⁴ Haitu sampe tadulako Magau Mbaso nomparenta ala i Paulus rakeni riara asrama tantara. Patujuna, i Paulus racambu bo raparesa ri sia ala rasani nuapa sabana toYahudi nongare-ngare ivesia ka ia.

Suro-Suro 22:24 ပူးပေါင်းရင်းမြစ်များ

Yohanes 19:1

Naupu haitu i Pilatus nantudu tantara-tantarana mombacambu i Yesus.

Suro-Suro 16:37

Tapi i Paulus nanguli ka polisi nakava ri sia, “Kami hii todea nu Magau Mbaso Roma! Naupa ivesia, ledo nitangara kami, aga nicambu ri ngayo ntodea, bo nisuaraka riara ntarunggu! Bo hitupa topoparenta-topoparenta mombatudu kami manjili nggalino-lino! Ledo madota kami! Kana ira mboto makava mompopesuvu kami!”

Suro-Suro 21:34

Naria sanu nongare ivei, bo naria muni sanu nongare iveitu. Ivesia kagadona sampe ledo nisani nu tadulako nuapa kakanana najadi. Haitumo sabana niparentana ala i Paulus rakeni ri asrama nu tantara.

Suro-Suro 21:37

Ira da mesua riara asrama nu tantara, i Paulus nanguli ka tadulako, “Tua, mamala yaku motesa sampalai nte komiu?” Tadulako nesana, “Nisanimu tano nobasa Yunani!

Suro-Suro 23:10

Posinggarau haitu mpuu-mpuu nakanano, sampe tadulako naeka mbelaka raposibitesi ntodea i Paulus. Sia sampe nituduna tantarana mangala i Paulus lako ri tatanga ntodea haitu bo nanggeni ia hau ri asrama tantara.

Suro-Suro 23:27

I Paulus hitu nisaka ntoYahudi bo sakidepa nipatesiramo. Niepeku ia todea Magau Mbaso Roma, jadi nikeniku salunu tantara nompakasalama ia.

Suro-Suro 28:18

Naupu parakaraku niparesara, ira madota mombakabasaka yaku, sabana natantumo ledo ria salaku masipato rahuku mate ka yaku.

Ibrani 11:35

Lako ri pomparasayara, mombine-mombine nanggita mpanjili tona-tonara anu nipakatuvu mpanjili lako ri kamatena. Tapi naria muni tona ntanina nompalamba karora nipandasa sampe namate sabana pomparasayara. Ira ledo nadota rakabasaka lako ri kasusa haitu apa ira madota rapakatuvu mpanjili bo manggava katuvua nabelopa.