Suro-Suro 22:15 - Kaili Ledo

¹⁵ Iko majadi sabiNa ka pura-pura tona bo mupatolele anu nikitamu bo anu niepemu.

Suro-Suro 22:15 ပူးပေါင်းရင်းမြစ်များ

Yohanes 15:27

Bo komiu muni mompopaisani Yaku ka todea sabana komiu nosanggani-nggani ante Yaku lako ri pamula panggaviaKu ri dunia hitu.”

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 22:14

Naupu haitu, niulikana yaku, ‘Alatala anu nipetupu ntotuata nggaulu, nompelisi iko ala musani anu nipodotaNa. NipelisiNa iko ala mukita i Yesus, Batua nu Alatala anu nangoseaka dotaNa, bo ala muepe mboto suara i Yesus.

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Suro-Suro 27:24

‘Nee maeka, Paulus! Iko kana mapola mantingayo Magau Mbaso. Lako ri kabelo nu Alatala nte iko, pura-pura tona nosanggani-nggani ante iko ri kapala hitu masalama pura.’

Suro-Suro 4:20

Kami hii ledo mamala menonto motesa anu nikita kami bo anu niepe kami mboto.”