Suro-Suro 22:14 - Kaili Ledo

¹⁴ Naupu haitu, niulikana yaku, ‘Alatala anu nipetupu ntotuata nggaulu, nompelisi iko ala musani anu nipodotaNa. NipelisiNa iko ala mukita i Yesus, Batua nu Alatala anu nangoseaka dotaNa, bo ala muepe mboto suara i Yesus.

Suro-Suro 22:14 ပူးပေါင်းရင်းမြစ်များ

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Suro-Suro 13:17

Alatala anu nisombata ntoIsrael nompelisi totua-totuata nggaulu majadi todeaNa. Tempo ira da nonturo ri tana Mesir, nipakadeaNa mulira. Naupu sia, nikeniNa ira mesuvu lako ri tana Mesir, ante kabarakaNa nambaso.

Suro-Suro 22:15

Iko majadi sabiNa ka pura-pura tona bo mupatolele anu nikitamu bo anu niepemu.

Suro-Suro 22:18

Nikitaku i Yesus bo niulikaNa yaku, ‘Palaisimo ngata Yerusalem masalisa, apa ledo ratarimara posabimu nombatesaki Yaku.’

Suro-Suro 24:14

Tapi yaku kana mompangaku ri ngayomiu, yaku netupu nte Alatala nantuntuni pepatuduki i Yesus. Panguli ntoYahudi gahitu, pepatuduki haitu nasala. Tapi yaku bate-batena netupu nte Alatala anu nisomba ntotua kami nggaulu, bo nomparasaya pura-pura anu nitulisi riara Buku Atura Agama bo Buku Nabi-nabi.

Suro-Suro 26:16

Peanggamo! Yaku neonga manganggataka iko majadi batuaKu bo sabiKu. Iko kana mompatolele ka tona ntanina anu nikitamu eo hitu bo anu Kupopakita ka iko ri tempo makava.

Suro-Suro 5:30

Komiu nantudu tona mompatesi i Yesus bo mombapaku Ia ri kayu salib. Tapi Alatala anu nisomba ntotuata nggaulu, Iamo nompakatuvu i Yesus mpanjili lako ri kamateNa.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Suro-Suro 9:17

Jadi haumo i Ananias ri banua i Yudas ri Dala Noa. Bo nesuamo ia riara banua bo nidikana palena ri balengga i Saulus, bo nanguli, “Sampesuvuku Saulus. I Pue Yesus nikitamu ri tatanga nu dala tempo komiu nolipa tumai, Iamo nombatudu yaku tumai, ala komiu mekita mpanjili bo rakuasai nu Nosa Gasa nu Alatala.”

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

1 Korintus 11:23

Nipatudukikumo ka komiu bara ipia batuana nangande bo nanginu nosanggani-nggani mantora kamate i Yesus. Pepatuduki haitu nitarimaku lako nte i Pue Yesus mboto. Bongi i Pue Yesus nipobalu ka baliNa, nialaNa roti,

1 Korintus 15:3

Nitarimaku kareba nelabi nopoko bo haitumo nipasimbayuku ka komiu. Haitumo, i Kristus namate sabana dosata bo haitu najadi nangoseaka anu nitulisi riara Buku Gasa.

1 Korintus 15:8

Bo kaupuna nipopakitaNa munimo karoNa ka yaku, nau yaku nasimbayu mpo ngana nesuvu dopa nagana mbulana.

1 Korintus 9:1

Yaku hii nakuasa novia nuapa-nuapa nipodotaku. Yaku hii suro i Yesus. Yaku mboto nanggita Tuputa i Yesus. Bo komiu mbotomo asele pokarajaa nipoviaku ka i Pue.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Galatia 1:12

Kareba Belo ledo nitarimaku lako nte manusia, bo ledo muni manusia nompatuduki yaku. Tapi i Yesus Kristus mbotomo nompopaisani Kareba Belo haitu ka yaku.

Galatia 1:15

Tapi dopame yaku nipoanaka, Alatala nompelisi yaku bo nompokio yaku majadi suroNa lako ri kabelo nu raraNa.

2 Timotius 1:1

Timotius, iko nipotoveku mpo anaku mboto: Sura hitu lako nte yaku, i Paulus. Nangoseaka dota nu Alatala, yaku nianggatakaNa majadi suro i Yesus Kristus ala mompatolele kareba anu nantesa katuvu mabelo sampe ri kasae-saena anu nijanji nu Alatala. Kita nanggava katuvu nabelo haitu sabana kita nosangu rara nte i Yesus Kristus. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

1 Petrus 2:22

Ia ledo sanggania novia dosa, ledo sanggania Ia nodava.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.