Suro-Suro 22:10 - Kaili Ledo

¹⁰ Jadi nekutana vai yaku, ‘Nuapa masipato kupovia, Pue?’ Nesanamo i Pue, ‘Peanggamo! Koimo pesua ri ngata Damsyik. Hamai pade rauli ka iko pura-pura anu nipakatantu nu Alatala kana mupovia.’

Suro-Suro 22:10 ပူးပေါင်းရင်းမြစ်များ

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Suro-Suro 16:30

Naupu sia, nikenina ira hau ri savalikuna bo nanguli, “Tua, nuapa kupovia ala yaku rapakasalama?”

Suro-Suro 2:37

Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”

Suro-Suro 22:11

Tempo haitu naburomo mataku sabana nivanta reme haitu. Jadi yaku damo ninini nu roaku nolipa hau nesua riara ngata Damsyik.

Suro-Suro 9:6

Jadi peanggamo! Koimo pesua riara ngata moitu. Hamai pade rauli ka iko anu masipato mupovia.”