Suro-Suro 21:7 - Kaili Ledo

⁷ Lako ri ngata Tirus haitu, kami nokapala sampe nakava ri ngata Ptolemais. Ri sia kami hau mosisani nte topangoseaka i Yesus bo mompapola tabe. Bo kami naturu nte ira sambongi.

Suro-Suro 21:7 ပူးပေါင်းရင်းမြစ်များ

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

Suro-Suro 12:20

Magau Herodes narau mpuu ka tupu ngata Tirus bo Sidon. Jadi tupu nu ngata randua haitu nasintuvu nantudu tona hau merapi mosinggabelo ante i Herodes, sabana ngatara haitu nanjarumaka kandea lako ri bagia poparenta i Herodes. Pamulana ira nombatinarasi saito topotulungi nosanga i Blastus, anu nombaurusi banua Magau Herodes, sampe ia mosabingga ka ira. Naupu haitu hau ira nantingayo Magau Herodes merapi mosinggabelo.

Suro-Suro 18:22

Nesampo ri ngata Kaisareapa, nantendemo ia hau ri ngata Yerusalem ala mombadekei tabe ka topomparasaya hamai. Naupu sia, napolamo ia hau ri ngata Antiokhia.

Suro-Suro 21:10

Naliu bara sako-mbongi kami nonturo ri sia, nakavamo saito langgai nosanga i Agabus, lako ri bagia Yudea. Ia muni nidekeika nu Alatala pompakule nompasimbayu tesa nitarimana lako nte Alatala.

Suro-Suro 21:17

Nakava kami ri ngata Yerusalem, topomparasaya ri sia nantarima kami ante damba rara.

Suro-Suro 21:19

Naupu i Paulus netabe, nitesana ka iramo pura-pura anu nipovia nu Alatala ri tatanga ntona ledo toYahudi tempo ia nompatolele Kareba Belo.

Suro-Suro 21:3

Kapala haitu nolipa sampe nikita kami levuto Siprus ri sabingga njidi kami. Tapi kapala nolipa njuu sampe ri propinsi Siria. Kami nesampo ri ngata Tirus sabana ri sia rapotauraka pangulaya kapala nipesavi kami.

Suro-Suro 25:13

Ledo nasae kaliuna haitu, nakavamo Magau Agripa ante i Bernike ri ngata Kaisarea mosisani nte i Festus sabana ia dako nilanti najadi gubernur.

Suro-Suro 28:12

Nolipamo kapala kami sampe nakava ri ngata Sirakusa, bo naturu ri sia talu-mbongi kasaena.

Ibrani 13:24

Pakavote tabe kami ka pura-pura pakenimiu bo ka pura-pura todea nu Alatala ri situ. Bo tarimamo tabe lako nte sampesuvuta sampomparasaya ri propinsi Italia.