Suro-Suro 21:5 - Kaili Ledo

⁵ Tapi nagana saminggu kami nonturo ri sia, nipalaisi kamimo ira, bo nipapola kamimo polipa kami. Ira pura-pura nosanggani-nggani ante anara bo bereira nanggeni kami hau ri savaliku ngata. Nakava ri talinti, nantaputu puramo kami bo nosambaya.

Suro-Suro 21:5 ပူးပေါင်းရင်းမြစ်များ

Matius 14:21

Kadea ntopangande hamai nitasere lima-njobu langgai, ledo nibila mombine ante ngana-ngana.

Markus 1:40

Naria saito tona nadua oge nakava nte i Yesus. Ia nantaputu bo nerapi nte rarana mpuu-mpuu nangulika i Yesus, <>

Lukas 22:41

Pade haunapa Ia sakide lako nte ira. Kakavaona nitasere samporempetaka vatu. Ia nantaputu bo nosambaya:

Suro-Suro 15:3

Todea topomparasaya ri ngata Antiokhia nanggeni gi Paulus sampe nakava ri savaliku ngata. Lako ri ngata haitu ira noliu ri propinsi Fenisia bo bagia Samaria. Bo nitesara munimo ka topomparasaya ri sia nadea tona ledo toYahudi nombakabasaka pomparasayara nggaulu ala mangoseaka Alatala. Kareba haitu mpuu-mpuu nompakadamba rara ntopomparasaya ri sia.

Suro-Suro 17:10

Bongina haitu topomparasaya ri ngata Tesalonika nantudu i Paulus bo i Silas hau ri ngata Berea. Nakava sumai, hau ira nesua ri banua petupu ntoYahudi.

Suro-Suro 20:36

Naupupa i Paulus notesa, nantaputumo ia nosanggani-nggani ante pura-pura ira lako ri ngata Efesus bo nosambaya.

Suro-Suro 20:38

Nabuku mpuu rarara, sabana i Paulus nanguli ka ira, “Domo rakitamiu hanupa lenjeku!” Naliutaka sia, nikenira kami sampe ri kapala.

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.