Suro-Suro 21:39 - Kaili Ledo

³⁹ Nesanamo i Paulus, “Ledo. Yaku hii toYahudi, lako ri Tarsus ngata mbaso ri propinsi Kilikia. Kuperapi, dekei kaku loga motesa ka todea hitu.”

Suro-Suro 21:39 ပူးပေါင်းရင်းမြစ်များ

Suro-Suro 22:3

“Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

Suro-Suro 9:11

I Pue nanguli, “Koimo hau ri dala nosanga Dala Noa. Elomo ri sia saito tona lako ri ngata Tarsus nosanga i Saulus. Hitu-hitu ia nosambaya.

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

1 Petrus 3:15

Tapi bilamo i Kristus riara ntaimiu bo pakaoge Ia sabana Ia Tupumiu nagasa. Bo ane rapekutana ntona komiu, nuapa sabana komiu nanjarumaka i Pue, komiu kana masadia mesana ka ira. Bo pesanamiu haitu kana rapovia ante ede rara bo ante tesa-tesa nalusu.

Suro-Suro 23:34

Naupu Gubernur Feliks nombaca sura haitu, nipekutanana i Paulus, “Ri umba ngatamu?” Nesana i Paulus, “Yaku toKilikia.” Nisani gubernurpa i Paulus lako ri propinsi Kilikia, anu nambela bagia niparentana,

Suro-Suro 23:27

I Paulus hitu nisaka ntoYahudi bo sakidepa nipatesiramo. Niepeku ia todea Magau Mbaso Roma, jadi nikeniku salunu tantara nompakasalama ia.

Suro-Suro 21:37

Ira da mesua riara asrama nu tantara, i Paulus nanguli ka tadulako, “Tua, mamala yaku motesa sampalai nte komiu?” Tadulako nesana, “Nisanimu tano nobasa Yunani!

Suro-Suro 16:37

Tapi i Paulus nanguli ka polisi nakava ri sia, “Kami hii todea nu Magau Mbaso Roma! Naupa ivesia, ledo nitangara kami, aga nicambu ri ngayo ntodea, bo nisuaraka riara ntarunggu! Bo hitupa topoparenta-topoparenta mombatudu kami manjili nggalino-lino! Ledo madota kami! Kana ira mboto makava mompopesuvu kami!”

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Suro-Suro 15:23

Jadi nitulisira santau sura rakeni ntona randua pangane. Sura haitu nanguli ivei: “Sampesuvu-sampesuvu sampomparasaya anu ledo toYahudi, anu nonturo ri ngata Antiokhia bo ri propinsi Siria bo Kilikia: Nadea tabe lako nte kami, suro-suro bo pakeni-pakeni ntodea topomparasaya.

Suro-Suro 9:30

Topomparasaya ntanina niepera i Saulus rapatesi, jadi nikeniramo ia notua hau ri ngata Kaisarea bo nitudura hau manjili ri ngata Tarsus, ngatana mboto.