Suro-Suro 21:27 - Kaili Ledo

²⁷ Napara kaupuna pitu-eo nipakatantu ka ada pompakagasa karo, bara sako-ndua toYahudi lako ri propinsi Asia nanggita i Paulus riara Banua nu Alatala. Nipakagadora todea ri sia bo nisakara i Paulus,

Suro-Suro 21:27 ပူးပေါင်းရင်းမြစ်များ

Lukas 21:12

Tapi dopame majadi pura-pura haitu, komiu rasaka ntona bo rapandasara. Komiu ratangara ri banua petupu bo rasuaraka riara ntarunggu. Komiu rakeni muni ri ngayo nu magau-magau bo gubernur-gubernur sabana komiu nangoseaka Yaku.

Suro-Suro 13:50

Tapi tomaoge-tomaoge bo mombine-mombine anu naria nturona bo natundu nte Alatala, nipakapane ntoYahudi sampe i Paulus bo i Barnabas nipandasa bo nipopalai lako ri ngata haitu.

Suro-Suro 14:19

Naupu haitu, bara sako-ndua toYahudi lako ri ngata Antiokhia ri propinsi Pisidia bo muni lako ri ngata Ikonium nakava ri ngata Listra. ToYahudi haitu nantanara todea ri ngata Listra ala ira muni mangeva i Paulus sampe ira nombarempe i Paulus ante vatu bo niumbunjaira hau ri savaliku ngata. Niulira namatemo ia.

Suro-Suro 14:2

Tapi toYahudi anu ledo nadota nomparasaya, aga nompakapane rara ntona ntanina ledo toYahudi sampe navuu matara nanggita topangoseaka i Yesus.

Suro-Suro 14:5

ToYahudi bo pakeni ntoYahudi nosanggani-nggani ante tona ntanina ledo toYahudi, nasintuvu mompandasa bo mombarempe i Paulus bo i Barnabas ante vatu.

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 17:13

ToYahudi ri ngata Tesalonika nangepe i Paulus naria ri ngata Berea nompatolele Tesa nu Alatala. Jadi hau muni ira ri ngata Berea bo nipoviara kagado bo nipakapanera rara ntodea.

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 2:9

Kita hii tona lako ri umba-umba, lako ri tana Partia, Media, Elam, lako ri tana Mesopotamia, Yudea bo Kapadokia. Naria muni lako ri tana Pontus bo Asia,

Suro-Suro 20:19

Yaku nokarajaa ri sii ka i Pue Yesus ante ede raraku bo nadea uve mataku. Nadea susa bo pari nirasaiku, sabana toYahudi nonia mompatesi yaku.

Suro-Suro 24:11

Mamala rapekutanamiu mboto nte tona, aga sapulu rombongi kaliuna yaku nantende hau ri ngata Yerusalem hau metupu ri Banua nu Alatala.

Suro-Suro 24:18

Tempo yaku da naria ri Banua nu Alatala nanggeni pesombaku nompakaupu ada pompakagasa karoku, naria bara sako-ndua toYahudi lako ri propinsi Asia nanggava yaku. Ledo naria todea nosanggani-nggani ante yaku, bo ledo muni naria kagado tempo haitu.

Suro-Suro 26:21

Haitumo sabana toYahudi nombasaka yaku riara Banua nu Alatala bo nompasimbuku mompatesi yaku.

Suro-Suro 4:3

Jadi nisakara randua suro haitu bo nisuarakara riara ntarunggu. Tempo haitu nabongimo, dopa namala ira ratangara. Jadi i Petrus bo i Yohanes nitaha ri sia sampe maile mpadondo.

Suro-Suro 5:18

Nisakara suro-suro, bo nisuarakara riara ntarunggu ngata.

Suro-Suro 6:12

Ivesiamo ira nompakapane rara ntodea bo totua-totua ntoYahudi bo guru-guru agama sampe narau rarara nte i Stefanus. Jadi hau ira nombasaka i Stefanus, pade nikenira ratangara ri ngayo Polibu Mbaso Agama Yahudi.

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

2 Korintus 11:26

Nadea ngganimo nirasaiku kasusa riara mpolipaku. Naria uve lono. Naria muni topeago. Yaku nipandasa ntoYahudi bo muni tona ledo toYahudi. Yaku nombarasai susa riara ngata bo ri kataolosana bo rara ntasi. Bo yaku nombarasai susa lako nte tona nanguli ira sampesuvu sampomparasaya, tano mai ledo.

1 Tesalonika 2:16

Niuliku ivesia sabana toYahudi haitu nasaro nombalava kami. Kami madota mompatolele Kareba Belo ka tona ledo toYahudi ala rasanira ira mamala rapakasalama. Tapi toYahudi pangane nombalava kami bo ivesiamo aga nantambai dosara sampe nadea gagamo. Bo sii-sii ira mambela pehuku nu Alatala.