Suro-Suro 21:20 - Kaili Ledo

²⁰ Naupu nangepe tesa i Paulus, i Yakobus ante pakeni-pakeni ntanina, nantoiya Alatala. Niulira ka i Paulus, “Sampesuvu, kana rasanimiu nonjobu-njobumo toYahudi nomparasaya i Yesus, tapi ira pura-pura da batena nangoseaka Atura-atura agama anu nipapola Nabi Musa.

Suro-Suro 21:20 ပူးပေါင်းရင်းမြစ်များ

Matius 9:8

Nanggita kajadia haitu naekamo rara ntodea ri sia. Bo nitoiyara Alatala sabana nidekeiNa kuasa nambaso eva haitu ka manusia.

Lukas 12:1

Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

Yohanes 12:24

Pariaramo tesaKu hitu: ane angu mpae ledo ratuda ri tana, pae haitu bate-batena aga sangu, ledo movua. Tapi ane angu mpae haitu ratuda ri tana, kaupuna pae haitu movua madea.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 15:1

Naria bara sako-ndua toYahudi nakava ri Antiokhia lako ri bagia Yudea anu nomparasaya i Yesus. Ira nompatuduki topangoseaka i Yesus ri sia ivei: “Ane komiu ledo rasuna nantuntuni Atura-atura nipapola Nabi Musa, komiu ledo mamala rapakasalama.”

Suro-Suro 15:24

Niepe kami naria bara sako-ndua tona lako nte kami tou nte komiu nompakasusa bo nompakaingu komiu ante pepatudukira. Tapi kakanana ledo nitudu kami ira movia ivesia.

Suro-Suro 15:5

Tapi bara sako-ndua toFarisi anu nomparasaya i Yesus neangga bo nanguli, “Ane tona ledo toYahudi nomparasaya i Yesus, ira kana rasuna bo rapatuduki mangoseaka Atura-atura nidekei Nabi Musa ka kita.”

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Suro-Suro 22:3

“Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Suro-Suro 4:4

Tapi topangepe pepatuduki nu suro-suro pangane, nadeamo nomparasaya i Yesus. Jadi kadea ntopomparasaya i Yesus nantambai sampe nitasere lima-njobu tonana.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

Roma 10:2

Yaku nosabiki, ira mpuu-mpuu madota mompakadamba rara nu Alatala. Tapi ledo nisanira mpuu dala nakana mompakadamba raraNa.

Galatia 1:14

Natutupa yaku nangoseaka agama Yahudi pade pura-pura roaku toYahudi anu sanggatuvu nte yaku. Nadidi mpuu raraku nangoseaka pepatuduki bo ada-ada ntotua kami nggaulu.

Galatia 1:24

Bo nitoiyara Alatala sabana anu najadi ante yaku.

2 Tesalonika 1:10

Pura-pura anu pangane majadi tempo i Pue Yesus makava mpanjili. Tempo haitu Ia rabila bo ratoiya ntodeaNa anu nagasa, pura-pura topomparasaya mokumaa bo madamba manggita Ia. Sampesuvu-sampesuvu, komiu muni mombabila bo mombatoiya Ia tempo haitu, sabana niparasayamiumo kareba nipatolele kami ka komiu.