Suro-Suro 21:19 - Kaili Ledo

¹⁹ Naupu i Paulus netabe, nitesana ka iramo pura-pura anu nipovia nu Alatala ri tatanga ntona ledo toYahudi tempo ia nompatolele Kareba Belo.

Suro-Suro 21:19 ပူးပေါင်းရင်းမြစ်များ

Matius 23:7

Nipokonora rabila ntona ri potomu bo nadamba rarara ane tona nanggasangai ira ‘Guru’.

Suro-Suro 1:17

I Yudas haitu roata, sabana i Yesus mboto nompelisi ia majadi suroNa nasimbayu mpo kita.”

Suro-Suro 14:27

Tempo nakava ri ngata Antiokhia, nipasiromura topomparasaya i Yesus bo nitesakara pura-pura anu nipovia nu Alatala ri polipara. Nitesara muni Alatala nombadekei loga ka tona ledo toYahudi momparasaya i Yesus.

Suro-Suro 15:12

Naupu i Petrus notesa ivesia, pura-pura tona nasiromu ri sia nalinomo bo nompetalingai i Barnabas bo i Paulus nombasili tesa kabaraka-kabaraka bo tanda-tanda anu nipokumaaka nipoviara nte kuasa nu Alatala tempo ira naria ri ngata ntona ledo toYahudi.

Suro-Suro 15:4

Nakavapa ri ngata Yerusalem, i Paulus ante roana nikadambanaka nu suro-suro, pakeni-pakeni, bo todea topomparasaya ntanina. I Paulus nombatesa ka ira pura-pura anu nipovia nu Alatala ri polipara bara ipia nanggeni Kareba Belo ka tona ledo toYahudi.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

2 Korintus 12:12

Tempo yaku naria ri situ nte komiu, nipoviaku tanda-tanda anu nompakalanto yaku mpuu-mpuu suro i Yesus. Yaku nosabara nokarajaa nau nadea kasusa nirasaiku, bo nipoviaku tanda-tanda nipokumaaka bo kabaraka-kabaraka ante kuasa lako nte Alatala.

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.