Suro-Suro 21:11 - Kaili Ledo

¹¹ I Agabus nakava nte kami ri banua i Filipus. Nialana sulepe i Paulus, bo nipouna ka kadana bo palena mboto pade niulina, “Iveimo niuli Nosa Gasa: ToYahudi ri ngata Yerusalem mombasaka tupu nu sulepe hitu, bo rapoura ivehitu, pade radekeira ka tona ledo toYahudi mombatangarana.”

Suro-Suro 21:11 ပူးပေါင်းရင်းမြစ်များ

Yohanes 18:1

Naupu i Yesus nosambaya, haumo Ia nosanggani-nggani ante ana-anaguruNa hau ri sambote salu Kidron. Hamai naria sangu pampa. I Yesus ante anaguruNa hau nesua riara pampa haitu.

Suro-Suro 13:2

Naria saeo, todea topomparasaya pura-pura nosambaya bo nombatoiya Alatala bo nopuasa. Nosa Gasa nu Alatala nanguli ka ira, “Pelisi bo patani ka Yakumo i Barnabas bo i Saulus mantui pokarajaa nipakatantuKu ka ira.”

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 20:23

Aga nisaniku ri umba-umba ngata nikalauku, Nosa Gasa nompopaisani ka yaku, yaku rasuaraka riara ntarunggu bo mombarasai kasusa bo kapari ri ngata Yerusalem.

Suro-Suro 21:33

Jadi tadulako haitu nombasaka i Paulus, bo nituduna tona nombarante ia ante rompenga rante. Naupu sia nipekutanana ka todea, “Isema tona hitu? Nuapa nipoviana?”

Suro-Suro 21:4

Ri ngata Tirus haitu, kami hau nanggita topangoseaka i Yesus bo nonturo nte ira saminggu kasaena. Ante pekeniaka Nosa Gasa ira nompainga i Paulus, nee mantende hau ri ngata Yerusalem.

Suro-Suro 22:25

Tapi tempo i Paulus nipou racambu, niulikana balengga ntantara anu neangga ri sia, “Berimba? Masipato todea nu Magau Mbaso Roma racambu dopame ratangara?”

Suro-Suro 24:27

Rompae kaliuna, i Feliks nisambei, bo i Perkius Festus najadi gubernur ri bagia haitu. Tempo nolinja i Feliks, ia madota mangala rara ntoYahudi, jadi nipalambanamo i Paulus riara ntarunggu.

Suro-Suro 26:29

Nesanamo i Paulus, “Bara masae bara ledo, kuperapi nte Alatala ala komiu bo gubernur, bo pura-pura tona nangepe tesaku eo hitu, majadi toKristen nasimbayu mpo yaku. Aga ledo nirante mpo yaku.”

Suro-Suro 28:17

Nagana talu-mbongi ri sia, i Paulus nompokio toYahudi anu naria nturona ri sia. Nasiromupa ira, nangulimo i Paulus, “Sampesuvu-sampesuvuku! Yaku ledo novia sala nuapa-nuapa ka sampesuvuta toYahudi bo ledo muni niliunakaku ada nitarimata lako ri totuata nggaulu. Tapi nau ivesia, yaku nisaka ri ngata Yerusalem bo nidekei ka pomarenta Magau Mbaso Roma.

Suro-Suro 28:20

Jadi haitu sampe yaku nerapi mosintomu ante komiu. Yaku madota mombatesa ka komiu parakaraku hitu. Kakanana yaku hii nibalanggu sabana yaku nomparasaya Magau Topepakasalama anu nitongorakata ntoIsrael pura-pura.”

Suro-Suro 28:25

Kaupuna, nipalaisiramo ponturo haitu apa da nosisalapa panggavara ante pepatuduki i Paulus. Tapi dopame ira nalai, i Paulus nanguli ka ira, “Nakana ntoto Tesa Nosa Gasa nu Alatala anu nipasimbayu Nabi Yesaya ka totuata nggaulu ivei:

Suro-Suro 8:29

Jadi Nosa Gasa nanguli ka i Filipus, “Koi ragamo doka ntona hautu.”

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Efesus 6:20

Yaku niposumba i Yesus Kristus mompatolele Kareba Belo. Bo sii-sii yaku nitarunggu sabana nompatolele Kareba haitu. Jadi, posambayakamo yaku ala mabia yaku mompatolele Kareba Belo, sabana haitumo pokarajaa nidekei nu Alatala ka yaku.

1 Timotius 4:1

Nosa Gasa nu Alatala nanguli pakalanto ka kita anu majadi ri tempo hitu napara kaupu nu dunia. Maria tona moura momparasaya pepatuduki nakana. Ira aga mangoseaka anu daa anu nombabagiu tona, bo momparasaya pepatuduki lako ri seta-seta.

2 Timotius 2:9

Yaku hii nipandasa sabana nompatolele Kareba Belo haitu. Yaku nipou rante nasimbayu mpo tona nadaa. Tapi Tesa nu Alatala ledo namala rarante, kana matolele ri umba-umba.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Ibrani 3:7

Jadi, epemo tesa lako ri Nosa Gasa nu Alatala nanguli ivei: “Ane raepemiu suara nu Alatala eo hitu,

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.