Suro-Suro 21:1 - Kaili Ledo

¹ Ri sia kami nopalakana nte pakeni ntopomparasaya lako ri ngata Efesus, bo nipalaisi kamimo ira. Kami nesavi kapala bo kaliu-liu hau ri levuto Kos, bo kamailena nakavamo kami ri levuto Rodos. Lako ri sia kami napola hau ri pesampo kapala ri ngata Patara.

Suro-Suro 21:1 ပူးပေါင်းရင်းမြစ်များ

Lukas 5:4

Naupu Ia nompaguru todea, niulikaNamo i Simon, “Vose hau ri kandalana sakidepa sakayamiu pade tendeaka jalamiu mosaka bau.”

Lukas 8:22

Naria sanggani i Yesus ante anaguruNa nesavi sakaya. I Yesus nanguli ka ira, “Hau kita ri sambote rano.” Jadi haumo ira.

Suro-Suro 27:2

Kami nesavi kapala mbaso anu nakava lako ri ngata Adramitium. Kami nesavi lako ri ngata Kaisarea ante patuju mesai ri pesampo-pesampo ri talinti propinsi Asia. Naria muni saitopa tona nomporoa kami, haitumo i Aristarkhus lako ri ngata Tesalonika ri propinsi Makedonia.

Suro-Suro 27:4

Lako ri sia kami nompapola polipa kami. Tapi kapala kami nosintomuka poiri, jadi kami nomparinjoso ri bivi ntalinti levuto Siprus anu natelendu sakide lako ri poiri haitu.

1 Tesalonika 2:17

Jadi, sampesuvu-sampesuvu, nompamula lako ri tempo kita nogaa bara ipia, nalentora mpuu rara kami manggita komiu. Nau nogaa ri mata, riara ntai ledo nalipo, bo kami batena nalentora nte komiu. Jadi kami nompasimbuku ante mpuu-mpuu rara mosinggava vai nte komiu.