Suro-Suro 20:25 - Kaili Ledo

²⁵ Sampesuvu-sampesuvuku. Nitunggaikumo komiu bo nipatudukikumo Poparenta nu Alatala ka komiu pura-pura. Bo sii-sii nisaniku domo rakitamiu hanupa lenjeku.

Suro-Suro 20:25 ပူးပေါင်းရင်းမြစ်များ

Matius 10:7

Koimo bo patolele ka ira ivei: ‘Naparamo tempona Alatala momparenta mpo Magau.’

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 13:52

Jadi nanguli i Yesus ka ira, “Ane guru agama Yahudi majadi topangoseaka Yaku riara Poparenta nu Alatala, nisanina pepatuduki nu Atura nu Alatala nasae bo nisanina muni pepatuduki nabaru. Ia nasimbayu eva tupu banua anu nombasuvuraka lako ri kakalumana mbara-mbara nabaru bo mbara-mbara nasae.”

Matius 4:17

Lako ri tempo haitu nompamulamo i Yesus nompatolele ka tona ivei: “Kajeamo lako ri dosamiu, sabana naparamo tempona Alatala moparenta mpo Magau.”

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Lukas 16:16

Atura-atura agama nidekei Nabi Musa ka kita, bo pepatuduki nu nabi-nabi ntanina rapake sampe peonga i Yohanes Topediu. Nompamula lako ri tempo i Yohanes haitu, Kareba Belo anu notesa Poparenta nu Alatala, nipatolele njuu. Bo tona nompasimbuku mpuu majadi todea nu Alatala.

Lukas 9:60

Nesana i Yesus, “Palambakamo tona namate mombatana tona namate. Tapi komiu, koimo hau ri umba-umba mompatolele kareba Poparenta nu Alatala.”

Suro-Suro 20:38

Nabuku mpuu rarara, sabana i Paulus nanguli ka ira, “Domo rakitamiu hanupa lenjeku!” Naliutaka sia, nikenira kami sampe ri kapala.

Suro-Suro 28:31

Ledo nakaja rarana nompopaisani ka ira kareba Poparenta nu Alatala bo nipatudukina muni ka ira kareba i Pue Yesus Kristus. Pura-pura anu nipoviana haitu ledo naria nitagi ntona.

Suro-Suro 8:12

Tapi i Filipus nompatolele Kareba Belo ka ira. Kareba Belo haitu nanguli Poparenta nu Alatala bo i Yesus Kristus, Magau Topepakasalama. Niparasayaramo kareba haitu bo ira nidiumo, langgai bo mombine, tandana ira nomparasaya i Yesus.

Roma 15:23

Tapi sii-sii, naupumo pokarajaaku ri sii. Nompae-mpaemo yaku madota tou mosinggava nte komiu.

Galatia 1:22

Sampe ri tempo haitu, todea topomparasaya i Kristus ri bagia Yudea dopa nisanira lenjeku.

Kolose 2:1

Jadi, kana rasanimiu yaku nompasimbuku mpuu nantulungi komiu bo tona ri ngata Laodikia, bo pura-pura tona anu dopa nosisani ante yaku.