Suro-Suro 20:24 - Kaili Ledo

²⁴ Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Suro-Suro 20:24 ပူးပေါင်းရင်းမြစ်များ

Lukas 16:28

Da nariapa alima sampesuvuku hamai. Tudumo i Lazarus hau mompainga ira ala ira ledo mesua ri ponturo pepandasa hitu.’

Yohanes 15:27

Bo komiu muni mompopaisani Yaku ka todea sabana komiu nosanggani-nggani ante Yaku lako ri pamula panggaviaKu ri dunia hitu.”

Yohanes 17:4

NipopaisaniKu kuasa bo kaogeMiu ri dunia hitu ante nompakaupu pokarajaa niparasayaMiu ka Yaku.

Suro-Suro 1:17

I Yudas haitu roata, sabana i Yesus mboto nompelisi ia majadi suroNa nasimbayu mpo kita.”

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Suro-Suro 13:25

Napara pokarajaana maupu, i Yohanes nanguli ka todea, ‘Nantuntuni panggavamiu, isema yaku? Yaku hii ledo Magau nipopeamiu! Tapi pariaramo! Magau haitu makava maupu pokarajaaku hitu. Ia nelabi kaogeNa pade yaku, sampe nau aga mombavole lui sapatuNa, ledo masipato yaku!’ ”

Suro-Suro 14:3

I Paulus bo Barnabas nasae nonturo ri sia. Ledo naeka ira notesa i Pue Yesus ka tona. Nitesara pepotoveNa bo kabelo raraNa bo i Pue nombadekei kuasa ka ira movia kabaraka-kabaraka bo tanda-tanda nipokumaaka ala rasani ntodea tesa nu suro-suro haitu mpuu-mpuu nakana.

Suro-Suro 15:7

Nasae mpuu ira nosinjula pekiri. Kaupuna neanggamo i Petrus bo nanguli, “Sampesuvu-sampesuvu! Nisanimiu mboto bara sakuya kasaena naliu, Alatala nompelisi yaku lako nte komiu mompatolele Kareba Belo ka tona ledo toYahudi ala ira muni mangepe bo momparasaya.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 20:23

Aga nisaniku ri umba-umba ngata nikalauku, Nosa Gasa nompopaisani ka yaku, yaku rasuaraka riara ntarunggu bo mombarasai kasusa bo kapari ri ngata Yerusalem.

Suro-Suro 20:32

Jadi sampesuvu-sampesuvuku, hitupa yaku nekakai nte Alatala nerapi Iamo mombajagai komiu. Bo kuuli ka komiu, oseakamo tesa nu Alatala anu nompopaisani kabelo nu Alatala ka kita. Aga Iamo nakuasa mompakaroso pomparasayamiu bo mombadekei belo ka komiu, haitumo belo nipakasadiaNa ka tona nipelisiNa majadi todeaNa.

Suro-Suro 21:13

Tapi nesana i Paulus, “Nakuya komiu notumangi nompakabuku raraku? Yaku hii nasadiamo hau ri ngata Yerusalem nau yaku rasaka, nau sampe rapatesi sabana pangoseakaku i Pue Yesus!”

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 11:6

ledo sabana pokainggura. Apa ane rapana Alatala mompelisi tona sabana pokainggura nabelo, batuana, ledo lako ri kabelo nu raraNa mpuu nompelisiNa.

Roma 4:4

Rapana, ane tona nokarajaa nangande gaji, gajina ledo nireke pedekei, tapi anu masipato ratarimana aga sambei nu lengena.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

2 Korintus 12:10

Jadi ane nalente yaku, nadamba yaku. Ane yaku rasalai, atau mapepa atau rapandasa, atau rapakasusa sabana yaku nangoseaka i Kristus, nadamba yaku. Apa ane nalente yaku, kuasa i Kristus mpuu-mpuu nompakaroso yaku.

2 Korintus 4:1

Jadi ledo naupu rara kami nompatolele Kareba Belo sabana pokarajaa hitu niparasaya nu Alatala ka kami lako ri kabelo raraNa.

2 Korintus 4:12

Jadi kami bate-batena nantingayo kamate ala manggeni komiu manggava katuvua nabelo sampe ri kasae-saena.

2 Korintus 5:8

Jadi evamo niuliku ri bavona, narosomo rara kami. Kami madambapa mompalaisi karo kami hitu bo hau monturo mosanggani-nggani nte i Pue.

2 Korintus 7:4

Ledo nakaja raraku notesa pakalanto ka komiu. Nadamba mpuumo raraku nantora komiu. Nau nadeamo susa bo pari nambela kami, hitupa narosomo raraku bo nelabi kadamba raraku nantora komiu.

Galatia 1:1

Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

Efesus 1:6

Alatala novia pura-pura haitu ala ratoiyata Ia. Nelabi mpuu kaoge nu toveNa ka kita! Lako ri kabelo nu raraNa, Ia nompopelabi bayangi toveNa ka kita anu nosangu rara ante AnaNa nipotoveNa.

Efesus 3:13

Jadi, sampesuvu-sampesuvu, kuperapi nte komiu, nee maupu raramiu nangepe yaku nitarunggu, sabana pura-pura kasusa nirasaiku sii-sii manggeni belo ka komiu.

Filipi 2:17

Pangoseakamiu i Kristus nirapaka pesombamiu ka Alatala anu mompakadamba raraNa. Tempo bara ipia, ane tona nombadekei pesomba ka Alatala, kana nombatoli uve anggur ala mompakagana pesombana. Ane rapana yaku rapatesi sabana pokarajaaku nompatolele Kareba Belo, raaku rarapaka uve anggur nitoli haitu, apa yaku nasadia mamate ane rapodota nTupu. Jadi, nau yaku rapatesi, ledo nakuya! Yaku batena manguli tarima kasi nte Alatala bo yaku muni madamba mpasanggani-nggani nte komiu.

Filipi 2:30

apa sakidepa namate ia nompapola pokarajaa i Kristus. Ledo ntoto nipekirina katuvuna mboto sabana ia madota manjambei komiu mantulungi yaku ri sii.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

1 Tesalonika 3:3

ala ledo maria saitoa komiu moura momparasaya sabana nipandasa. Kakanana nisanimiumo kita topomparasaya kana rapandasa, apa ivesia nipakatantu nu Alatala ka kita.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

2 Timotius 3:11

Nipeintamu mbotomo berimba yaku naroo tempo yaku nipandasa bo nipakasusa evamo najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

Titus 1:3

Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

Titus 2:11

Iko kana mompatuduki tona matuvu nte pokainggu nabelo, sabana lako ri kabelo rara nu Alatala, nibukaNamo dala ala pura-pura manusia mamala rapakasalama.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.

Pompakita 12:11

Tapi todea sampomparasaya haitu nombadagi Magau nu Seta ante kuasa lako ri raa nu Ana Bimba anu namate nombasompo dosara. Bo nidagira ia ante pepatuduki i Yesus nipatolelera. Bo ledo nipotovera katuvura, ledo ntoto nenonto nomparasaya nau sampe rapatesi.

Pompakita 6:11

Naupu haitu, ira saito-saito nidekeika santonga baju mputi. Bo nangulimo Alatala ka ira, “Posabaramo sampalaipa sampe magana kadeana roamiu sampokarajaa, haitumo sampesuvumiu sampomparasaya anu rapatesi nasimbayu mpo komiu.”