Suro-Suro 20:20 - Kaili Ledo

²⁰ Nisanimiu ledo nakaja raraku nompasimbayu anu noguna ka komiu. Yaku batena nompatuduki komiu ri kasiromu ntodea, bo ri banua-banuamiu.

Suro-Suro 20:20 ပူးပေါင်းရင်းမြစ်များ

Markus 4:34

Ia bate-batena nompake porapa ane notesa ka todea. Tapi ane nosanggani-nggani ante ana-anaguruNa, ledo nipakeNa, bo pura-pura tesaNa nitenteiNa pakalanto ka ira.

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 20:27

Apa, ledo nasau raraku nompatuduki ka komiu, pura-pura nia nu Alatala ka kita.

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Suro-Suro 5:2

Bo doi ali ntana nipobalura haitu, sagaa nibolira ka ira mboto, bo sagaa nikeni i Ananias ka suro-suro. Nangulimo i Ananias, “Hitu puramo doi ali ntana nipobalu kami.” Poviana haitu nisani nu bereina muni.

Suro-Suro 5:42

Bo eo-eo ri Banua nu Alatala bo muni ri banua-banua ntona, ira nompatolele Kareba Belo bo nompatuduki ka tona i Yesusmo Magau Topepakasalama anu nijanji nu Alatala.

1 Korintus 12:7

Kita pura-pura simbo nidekeika pompakule lako ri Nosa Gasa nu Alatala ala manggeni belo ka tona ntanina.

1 Korintus 14:6

Sampesuvu-sampesuvu, ane rapana yaku makava nte komiu bo mompake basa-basa nopuna lako nte Nosa Gasa, nuapa gunana haitu ka komiu? Natantu ledo ntoto ria gunana. Tapi kana mariapa gunana ka komiu ane kupakalanto pepatuduki nitarimaku lako nte Alatala, atau kutentei ka komiu pangisaniku Alatala, atau kupasimbayu tesa nitarimaku lako nte Alatala, atau kupatuduki komiu.

1 Korintus 15:3

Nitarimaku kareba nelabi nopoko bo haitumo nipasimbayuku ka komiu. Haitumo, i Kristus namate sabana dosata bo haitu najadi nangoseaka anu nitulisi riara Buku Gasa.

Filipi 3:1

Sampesuvu-sampesuvu, kapolana, komiu kana madamba sabana komiu nosangu rara ante i Pue Yesus. Ledo nalenge yaku nombasili anu nitulisiku ka komiu bara ipia, sabana yaku madota mompainga komiu ala komiu ledo rabagiu ntona anu nanggeni pepatuduki nasala.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.