Suro-Suro 20:19 - Kaili Ledo

¹⁹ Yaku nokarajaa ri sii ka i Pue Yesus ante ede raraku bo nadea uve mataku. Nadea susa bo pari nirasaiku, sabana toYahudi nonia mompatesi yaku.

Suro-Suro 20:19 ပူးပေါင်းရင်းမြစ်များ

Lukas 19:41

I Yesus naparamo nte ngata Yerusalem, sampe namala nikitaNa bo nitangisiNamo isi ngata haitu.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Suro-Suro 17:13

ToYahudi ri ngata Tesalonika nangepe i Paulus naria ri ngata Berea nompatolele Tesa nu Alatala. Jadi hau muni ira ri ngata Berea bo nipoviara kagado bo nipakapanera rara ntodea.

Suro-Suro 17:5

Tapi toYahudi anu ledo nomparasaya i Yesus, nasiriati nanggita i Paulus bo i Silas, sabana nadea mpuu tona nomparasaya tesa i Paulus. Jadi nipasiromura tona aga notondodo-ndodo ri potomu, anu ledo naria pokarajaana. Nadeapa ira nasiromu, hau nipakagadoramo ngata haitu. Nakava ri banua i Yason anu niponturo i Paulus bo i Silas, nisuakira banua haitu rapangala i Paulus bo i Silas. Patujura ala gi Paulus mesuvu mantingayo todea.

Suro-Suro 20:3

Talu-mbula kasaena ia nonturo ri sia. Naupu sia, ia nonia mesavi kapala ntasi hau ri propinsi Siria. Tapi dopame ia nalai, niepena kareba naria toYahudi ri sia nasintuvu mompatesi ia ri dala. Jadi nipakatantuna manjili mantuntuni dala kabatana moliu ri propinsi Makedonia.

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Suro-Suro 21:27

Napara kaupuna pitu-eo nipakatantu ka ada pompakagasa karo, bara sako-ndua toYahudi lako ri propinsi Asia nanggita i Paulus riara Banua nu Alatala. Nipakagadora todea ri sia bo nisakara i Paulus,

Suro-Suro 27:23

Nisaniku haitu sabana ibongi Alatala anu nisombaku bo anu nombajagai yaku, nantudu malaekaNa tumai nte yaku. Malaeka haitu nanguli,

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Roma 1:9

Nisani nu Alatala yaku nasaro nosambaya ka komiu. Yaku batena ante rara mpuu-mpuu nombatui pokarajaa nidekei nu Alatala ka yaku, haitumo nompatolele Kareba nu AnaNa.

Roma 12:11

Kana matutu mokarajaa, nee masanda! Kana madidi raramiu mokarajaa ka Tupu.

2 Korintus 2:4

Tempo nitulisiku sura haitu ka komiu nasusa mpuu raraku, nantamo nirasaiku bo naoge uve mataku nesuvu. Patujuku notulisi sura haitu ledo mompakasusa raramiu, tapi ala rasanimiu kambaso toveku ka komiu pura-pura.

2 Korintus 3:5

Tapi ledo nipakule kami mantui pokarajaa hitu ante kuasa kami mboto. Alatalamo anu nompopompakule kami.

2 Korintus 7:5

Tempo kami nakava ri propinsi Makedonia, ledo najadi kami nangosanaka. Apa ri panggai panggana tona nompakasusa kami. Naria tona nangeva kami, bo riara ntai kami mboto kami nombarasai naeka. Mpuu-mpuu eva maupu rara kami!

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

Efesus 6:7

Pokarajaamo ante damba nu rara. Rekemo komiu nokarajaa ka i Pue, ledo aga ka manusia.

Filipi 3:18

Apa nadea ngganimo niuliku ka komiu bara ipia bo sii-sii kuuli vai ante tangi, nadeamo tona natuvu ante pokainggu nadaa. Niulira ira topomparasaya tapi pokainggura nadaa nompakalanto pesapuakara. Ledo niparasayara i Kristus namate ri kayu salib mombakabasaka kita lako ri kuasa nu dosa.

Kolose 3:24

Nisanimiumo i Pue mboto mombadekei tambo ka komiu anu nijanjiNa ka pura-pura topomparasaya Ia. Kakanana i Kristusmo tua anu nitulungimiu, bo komiu batuaNa.

1 Tesalonika 1:9

Ira mboto notesa ka kami berimba komiu toTesalonika nantarima kami tempo kami nakava nte komiu bara ipia. Bo nitesara muni berimba komiu nenonto netupu nte viata-viata bo nompamula netupu nte Alatala anu natuvu bo nakana.

2 Timotius 1:4

Nitoraku kasusa raramu tempo kita nogaa bara ipia, bo nalentora mpuu raraku manggita iko ala yaku mpuu-mpuu madamba.

Yakobus 1:2

Sampesuvu-sampesuvu, ane komiu mambela mpengaya kasusa bo pesori, kana madamba raramiu.

1 Petrus 1:6

Komiu kana madamba-damba sabana belo nisarumakamiu haitu. Komiu kana madamba naupa sii-sii tempo komiu da natuvu ri dunia komiu nombarasai kasusa bo nambela mpengaya-ngaya pesori.

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.

Pompakita 7:15

Haitu sampe ira neangga ri ngayo Gadera Kamagaua nu Alatala. Eo bongi ira ledo nenonto netupu bo nombasomba Alatala riara Banua nu Alatala. Bo Alatala anu nonturo ri Gadera KamagauaNa haitu nosanggani-nggani ante ira ala mombalendu ira.