Suro-Suro 20:1 - Kaili Ledo

¹ Nalinopa kagado ri ngata Efesus, i Paulus nompasiromu topomparasaya ri sia bo notesa nompakaroso rarara. Naupu sia, ia nopalakanamo pade nipapolana polipana hau ri propinsi Makedonia.

Suro-Suro 20:1 ပူးပေါင်းရင်းမြစ်များ

Suro-Suro 11:26

Nosinggavapa ia ante i Saulus, haumo ira randua ri ngata Antiokhia. I Barnabas bo i Saulus nonturo sumai sampae kasaena. Ira nasaro nasiromu nosanggani-nggani nte todea topomparasaya bo nadea mpuu tona nipatudukira. Ri ngata Antiokhia haitumo topangoseaka i Yesus pamula-mulana niuli toKristen.

Suro-Suro 16:12

Lako ri sia kami nantende hau ri ngata Filipi, haitumo ngata mbaso ri propinsi Makedonia. Ngata Filipi haitu ngata ponturo ntodea nu Magau Mbaso. Kami nonturo ri sia bara sako-mbongi kasaena.

Suro-Suro 16:9

Bongina haitu ri ngata Troas, naria anu nipopakita nu Alatala ka i Paulus. Nikitana saito tona lako ri propinsi Makedonia neangga ri ngayona. Tona haitu nerapi mpuu-mpuu nte i Paulus, “Kaimo tumai mantulungi kami ri Makedonia!”

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 20:10

Tapi i Paulus nanau hau ri tambena bo nekadungga ntuobo ri bavo kabilasa haitu, pade nikapuina. Nanguli i Paulus ka todea nombatagui tomate haitu, “Nee masusa raramiu, da matuvu ia!”

Suro-Suro 20:2

Riara mpolipana, ia nompesayo ngata-ngata ri Makedonia bo nompakaroso rara ntopomparasaya hamai ante mpengaya-ngaya pepangajari. Naupu haitu, napolamo ia hau ri propinsi Akhaya, tana ntoYunani.

Suro-Suro 20:3

Talu-mbula kasaena ia nonturo ri sia. Naupu sia, ia nonia mesavi kapala ntasi hau ri propinsi Siria. Tapi dopame ia nalai, niepena kareba naria toYahudi ri sia nasintuvu mompatesi ia ri dala. Jadi nipakatantuna manjili mantuntuni dala kabatana moliu ri propinsi Makedonia.

Suro-Suro 20:37

Notumangi puramo ira. Nikapuira i Paulus bo niekira, mpo tona nosampesuvu mogaa.

Roma 15:19

bo sabana kabaraka-kabaraka bo tanda-tanda nipokumaaka nipoviaku ante kuasa Nosa Gasa. Lako ri ngata Yerusalem sampe ri tana Ilirikum, nipatoleleku pura-pura Kareba Belo i Yesus Kristus ka tona.

Roma 16:16

Posipakavotemo tabe ante mpuu-mpuu rara, mpo sampesuvu sampomparasaya i Kristus. Pura-pura topomparasaya i Kristus ri sii nompakavote tabera ka komiu muni.

1 Korintus 16:20

Nadea muni tabe lako nte pura-pura topomparasaya ri sii. Posipakavotekamo tabe saito-saito ante pepotove.

1 Korintus 16:5

Maupu kupelioda ira ri propinsi Makedonia pade tou mompeinta komiu, apa yaku nonia moliu ri Makedonia mami.

2 Korintus 13:12

Posipakavotemo tabe saito bo saito ante tove. Bo tarimamo tabe lako ri pura-pura topomparasaya ri sii.

2 Korintus 7:5

Tempo kami nakava ri propinsi Makedonia, ledo najadi kami nangosanaka. Apa ri panggai panggana tona nompakasusa kami. Naria tona nangeva kami, bo riara ntai kami mboto kami nombarasai naeka. Mpuu-mpuu eva maupu rara kami!

1 Tesalonika 5:26

Pakavote tabe bo tove kami ka pura-pura sampesuvuta sampomparasaya ri situ.

1 Timotius 1:3

Kuperapi iko maboli ri ngata Efesus, mpo niuliku ka iko bara ipia tempo yaku nalai hau ri propinsi Makedonia. Apa ri situ naria bara sako-ndua tona nompatolele pepatuduki nasala, bo iko kana mombatagi ira ala domo rapatolelera pepatuduki haitu.