Suro-Suro 2:47 - Kaili Ledo

⁴⁷ Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

Suro-Suro 2:47 ပူးပေါင်းရင်းမြစ်များ

Lukas 19:48

Tapi ledo nikavara dala mompatesi Ia, sabana pura-pura todea nadamba gagamo nangepe tesaNa.

Lukas 2:52

Kasae-sae nantambaimo kambaso i Yesus bo nantambaimo katauNa, bo nantambai nipotove nu Alatala bo manusia.

Suro-Suro 11:21

Kuasa nTupu naria nte ira sampe nadea toAntiokhia nomparasaya bo nombadekei katuvura ka i Pue Yesus.

Suro-Suro 11:24

I Barnabas haitu tona nabelo rarana, bo nikeniaka Nosa Gasa nu Alatala. Naroso mpuu pomparasayana. Bo nadea tona ri Antiokhia nikenina nomparasaya i Pue Yesus.

Suro-Suro 13:48

Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Suro-Suro 14:1

Anu najadi ri ngata Antiokhia najadi munimo ri ngata Ikonium. I Paulus bo i Barnabas hau ri banua petupu ntoYahudi, bo ri sia nitesa-tesara ka tona sampe nadea toYahudi bo tona ledo toYahudi nomparasaya i Yesus.

Suro-Suro 14:21

Ri ngata Derbe, i Paulus bo i Barnabas nompatolele Kareba Belo bo nadea tona nomparasaya i Yesus. Naupu haitu nanjilimo ira randua hau ri ngata Listra. Lako ri ngata Listra hau ri ngata Ikonium pade napola hau ri ngata Antiokhia ri propinsi Pisidia.

Suro-Suro 16:5

Jadi ivesiamo pomparasaya ntopangoseaka i Yesus nipakaroso, bo eo-eo nantambai kadea ntopomparasaya.

Suro-Suro 17:12

Nadea ira toYahudi nomparasaya i Yesus, bo nadea muni toYunani anu naria nturona, nomparasaya muni, mombine bo langgai.

Suro-Suro 2:39

Apa Alatala nojanji mombadekei Nosa Gasa ka komiu pura-pura, bo ka muli nu mulimiu, bo ka tona ri ngata nakavao. PojanjiNa haitu ka pura-pura tona nipokio nTuputa Alatala majadi todeaNa.”

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Suro-Suro 4:33

Suro-suro ledo naupu-upu nompatolele kareba i Pue Yesus natuvu mpanjili, bo naroso mpuu tesara. Bo Alatala nabelo mpuu nte ira pura-pura.

Suro-Suro 4:4

Tapi topangepe pepatuduki nu suro-suro pangane, nadeamo nomparasaya i Yesus. Jadi kadea ntopomparasaya i Yesus nantambai sampe nitasere lima-njobu tonana.

Suro-Suro 6:1

Kasae-sae kadea-dea topangoseaka i Yesus. Tempo haitu topangoseaka i Yesus deanapa toYahudi. Sanu ira nobasa Yunani, bo sanu nobasa basara mboto. Tempo haitu topobasa Yunani ledo nadamba nte topobasa Yahudi. Topobasa Yunani nanguli, “Timbala-timbala kami ledo nanggava doi balanja eo-eo mpo anu nipalele ka timbala-timbala ntanina.”

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.

Suro-Suro 9:35

Pura-pura tona nonturo ri ngata Lida bo ri ngata Saron nanggita i Eneas nabelomo. Jadi niparasayara munimo i Pue Yesus.

Roma 14:18

Ane ivesia pangoseakata i Kristus, kita mompakadamba rara nu Alatala, bo roata muni mombabila kita.

Roma 8:30

Bo kita anu nipakatantuNa lako ri lamba pamulana haitu, nipokioNa majadi todeaNa. Bo kita anu nipokioNa majadi todeaNa, nirekeNa nanoa ri panggitaNa. Bo kita anu nirekeNa nanoa, radekeiNa bagia ri kakuasaNa bo kaogeNa mboto.

Roma 9:27

Tapi nalonto mpuu tesa Nabi Yesaya nanguli toYahudi ivei: <

1 Korintus 1:18

Kami nompatolele kareba kamate i Kristus ri kayu salib nombasompo dosa manusia. Ane tona damo kapesuana ri narakaa nangepe kareba haitu, niulira tesa ntodoyo, ledo ria batuana. Tapi kita anu nipakasalama, nisanita kamate i Kristus nompopakita kuasa nu Alatala mboto!