Suro-Suro 2:43 - Kaili Ledo

⁴³ Nadea mpuu kabaraka bo tanda-tanda nipokumaaka nipovia nu suro-suro sampe nokumaa bo naeka todea.

Suro-Suro 2:43 ပူးပေါင်းရင်းမြစ်များ

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Lukas 8:37

Pade pura-pura tona ri bagia Gerasa haitu nerapi nte i Yesus ante mpuu-mpuu rarara ala rapalaisiNa ngatara haitu, sabana naeka mpuu ira. Jadi i Yesus nesavi sakaya hau manjilimo.

Yohanes 14:12

Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Suro-Suro 4:33

Suro-suro ledo naupu-upu nompatolele kareba i Pue Yesus natuvu mpanjili, bo naroso mpuu tesara. Bo Alatala nabelo mpuu nte ira pura-pura.

Suro-Suro 5:5

Naupu i Ananias nangepe tesa i Petrus, kaliu-liu nadunggamo ia bo namate. Bo nakava bara sako-ndua kabilasa mombasompu karobatana, bo nikenira hau ratana ri savalikuna. Pura-pura tona naeka mpuu nangepe anu najadi haitu.

Suro-Suro 9:34

Nanguli i Petrus ka ia, “Eneas, i Yesus Kristus mompakabelo iko. Pembangumo, pasiayumo paturumu.” Naupu haitu kaliu-liu nabelomo i Eneas bo nembangu mpuumo ia.

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.