Suro-Suro 2:42 - Kaili Ledo

⁴² Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Suro-Suro 2:42 ပူးပေါင်းရင်းမြစ်များ

Lukas 24:30

Tempo Ia nonturo nangande sanggani ante ira, nialaNa roti pade niuliNa tarima kasi ka Alatala. Naupu haitu nitubiNa roti haitu bo nibagiNamo ka ira.

Lukas 24:35

Nangepe haitu, randua topangoseaka i Yesus anu dako neonga haitu, nombajaritai anu najadi nte ira ri dala hau ri ngata Emaus, bo berimba nisanira i Yesus tempo Ia notubi roti.

Suro-Suro 1:14

Ira nasaro nasiromu nosangu rara nosambaya. I Maria tina Yesus, ante bara sako-ndua mombine ntanina, bo sampesuvu-sampesuvu i Yesus nasiromu muni nosambaya nosanggani-nggani ante ira.

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 20:11

Naliu haitu, nompene vai i Paulus hau ri tombi nikasiromura haitu, bo nitubi-tubina roti bo ira nangande nosanggani-nggani. Naupu nangande, notesa vaimo ia sampe naeo. Naupu haitu nalaimo ia.

Suro-Suro 20:7

Bongi Aka, kami nasiromu nangande nosanggani-nggani ante topomparasaya ri ngata Troas. I Paulus notesa sampe tanga bongi, apa patujuna maile mpadondona mompapola polipana.

Suro-Suro 4:23

Naupu i Petrus bo Yohanes nikabasaka, nanjilimo ira hau ri ponturo nu roara. Nakava ri sia, nitesara ka roara pura-pura anu niuli ntopolibu ka ira, haitumo balengga-balengga ntopanggeni pesomba bo pakeni-pakeni ntoYahudi ntanina.

Suro-Suro 4:31

Naupu ira nosambaya, banua nikasiromura haitu nogoya. Ira pura-pura nikuasai nu Nosa Gasa nu Alatala, bo nipatolelera tesa nu Alatala bo domo ntoto naeka rarara.

Suro-Suro 6:4

Bo ivesiamo kami suro-suro mamala mombatui bago kami mboto, haitumo mosambaya ka Alatala bo mompatolele tesaNa.”

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

1 Korintus 10:21

Ledo ntoto masipato komiu manginu uve anggur mantora kamate i Pue Yesus bo rainumiu muni panginu ri posusa mombabila seta-seta. Ledo ntoto masipato komiu monturo mangande roti mantora kamate i Pue Yesus, bo rakandemiu muni kandea ri posusa pombabila seta-seta.

1 Korintus 11:2

Sampesuvu-sampesuvu, yaku nantoiya komiu sabana komiu batena nantora yaku riara mpengaya-ngaya, bo komiu naroo nangoseaka pepatuduki nipatudukiku ka komiu.

1 Korintus 14:6

Sampesuvu-sampesuvu, ane rapana yaku makava nte komiu bo mompake basa-basa nopuna lako nte Nosa Gasa, nuapa gunana haitu ka komiu? Natantu ledo ntoto ria gunana. Tapi kana mariapa gunana ka komiu ane kupakalanto pepatuduki nitarimaku lako nte Alatala, atau kutentei ka komiu pangisaniku Alatala, atau kupasimbayu tesa nitarimaku lako nte Alatala, atau kupatuduki komiu.

Galatia 1:6

Nokumaa ntoto yaku nangepe komiu! Dopa nasae niparasayamiu Kareba Belo, nitubengosimiumo Alatala! NipokioNa komiu majadi todeaNa sabana kabelo rara i Kristus nte komiu. Tano komiu aga nangoseaka pepatuduki ntanina anu niuli ntona “kareba belo”.

Efesus 2:20

Kita topomparasaya i Kristus nirapaka gana-gana nu banua nibangu nu Alatala. Suro-suro i Kristus bo nabi-nabi nirapaka pandasi nu banua haitu. I Yesus Kristus nirapaka vatu nu pandasi anu nelabi nopoko.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Filipi 1:5

Yaku nosukuru sabana lako ri pamulana sampe sii-sii, komiu nasaro nantulungi yaku nompatolele Kareba Belo lako nte Alatala.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.

Kolose 4:2

Nee masau raramiu mosambaya. Pekiri pakabelo anu raulimiu ka Tupu, bo masaro manguli tarima kasi nte Ia.

2 Timotius 3:14

Tapi iko, Timotius, kana bate-batena manggangisi pepatuduki nakana anu nipegurumu bo mpuu-mpuu niparasayamu. Nisanimu tona nompaguru haitu, nipaguruna nakana ka iko.

Ibrani 10:25

Nee menonto masiromu metupu mosanggani-nggani, mpo kabiasa ntona sanu. Tapi kita kana mosipakaroso rara, nelabipa sii-sii sabana nisanita naparamo kakava i Yesus.

Ibrani 10:39

Sampesuvu-sampesuvuku, kita hitu ledo topoura sampe rapambela pehuku, tapi kita nomparasaya Alatala bo nanggava katuvua nabelo sampe ri kasae-saena.

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

1 Yohanes 1:7

Tapi ane kita natuvu riara reme nasimbayu mpo Alatala naria riara nu reme, kita natuvu nosangu rara nte roa, bo Alatala mombalelaka pura-pura dosata sabana raa nu AnaNa i Yesus anu namate ala dosata mamala raampungi.

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.

Yudas 1:20

Sampesuvu-sampesuvu nipotoveku, posipakaroso pomparasayamo komiu nangoseaka pepatuduki nakana, sabana pepatuduki niparasayata haitu nagasa mpuu. Bo posambayamo ante pekeniaka Nosa Gasa nu Alatala.