Suro-Suro 2:40 - Kaili Ledo

⁴⁰ Ledo aga ivesia tesa i Petrus, tapi ante nadea tesa-tesa ntanina nipatudukina bo nipaingana todea. Niulikana ira, “Kajeamo bo rapakasalama, ala komiu ledo rapambela pehuku nu Alatala anu rapambela ka tona nadaa ri ngata hitu anu nompatesi i Yesus!”

Suro-Suro 2:40 ပူးပေါင်းရင်းမြစ်များ

Matius 12:34

Komiu tano tona nadaa mpuu eva ule! Ledo ntoto nipakulemiu notesa anu nabelo, sabana nadaa mpuu raramiu! Apa tesa nisovadakata aga nangoseaka anu naria riara ntaita.

Matius 16:4

Nadaa mpuu komiu natuvu sii-sii! Komiu ledo natutu nangoseaka Alatala. Komiu nerapi ala Kupovia tanda rapokumaaka ntona. Tapi ledo ria sangua tanda rapopakita ka komiu, aga tanda eva anu najadi nte Nabi Yunus nggaulu.” Naupu haitu, nipalaisiNamo ira.

Matius 17:17

Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”

Matius 23:33

Komiu tona nadaa bo muli ntona nadaa! Nisarumakamiu komiu ledo rapambela pehuku riara narakaa?

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Lukas 16:28

Da nariapa alima sampesuvuku hamai. Tudumo i Lazarus hau mompainga ira ala ira ledo mesua ri ponturo pepandasa hitu.’

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Yohanes 21:25

Da nadeapa anu ntanina nipovia i Yesus. Ane rapana ratulisi pura kajadia haitu, nipekiriku dunia hitu ledo masuka rapomboli pura-pura buku ratulisi.

Suro-Suro 10:42

Bo nituduNa kami mompatolele Kareba Belo haitu ka pura-pura tona, bo manguli ka tona Iamo nianggataka nu Alatala majadi Topotangara pura-pura manusia da natuvu bo anu namatemo.

Suro-Suro 15:32

Naliu haitu, i Yudas bo i Silas nasae notesa nte topomparasaya ri Antiokhia ala mompakadidi rarara bo mompakaroso pomparasayara, apa ira randua nabi anu nompakule mompasimbayu tesa nidekei nu Alatala ka ira.

Suro-Suro 20:11

Naliu haitu, nompene vai i Paulus hau ri tombi nikasiromura haitu, bo nitubi-tubina roti bo ira nangande nosanggani-nggani. Naupu nangande, notesa vaimo ia sampe naeo. Naupu haitu nalaimo ia.

Suro-Suro 20:2

Riara mpolipana, ia nompesayo ngata-ngata ri Makedonia bo nompakaroso rara ntopomparasaya hamai ante mpengaya-ngaya pepangajari. Naupu haitu, napolamo ia hau ri propinsi Akhaya, tana ntoYunani.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Suro-Suro 20:9

Naria saito kabilasa nosanga i Eutikhus nonturo ri pelaba. Naroyo mpuu matana apa i Paulus ledo naupu-upu notesa. Nasae-sae kabilasa haitu namonjomo sampe nanavu lako ri pelaba ntombi katatalu-unjuna haitu hau ri tana. Tona nanau nanganggataka ia, nikavara namatemo.

Suro-Suro 28:23

Jadi nipakatantura eo rakasiromura ante i Paulus. Nanggavapa eo niovora, nadea tona nakava nasiromu ri banua i Paulus. Lako ri mpadondona sampe nggoviana i Paulus nombatesa Poparenta nu Alatala ka ira bo nombatentei pepatuduki i Yesus. Nibacana lako ri Buku Atura Agama nitulisi Nabi Musa bo Buku Nabi-nabi ntanina, ala rasanira tesana nakana bo raparasayara i Yesus mpuu-mpuu Magau Topepakasalama.

Suro-Suro 4:36

Ivesia muni nipovia i Yusuf. Nipobaluna tanana bo doi haitu nikenina bo nidekeina ka suro-suro i Yesus. I Yusuf haitu toLewi lako ri levuto Siprus. Suro-suro nombadae ia i Barnabas, batuana, “topompakavoe rara ntona.”

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

2 Korintus 6:17

“Jadi, palaisimo tona anu ledo nosisani nte Yaku, bo kavaosimiumo ira! Ane ledo ratuimiu anu naruto ri panggitaKu, Kutarima komiu.” Yesaya 52:11

Galatia 5:3

Sangganipa vai kuuli ka komiu, isema-sema madota rasuna, ia masipato mangoseaka pura-pura Atura agama ntanina muni.

Efesus 4:17

Jadi sampesuvu-sampesuvu, ante kuasa nidekei nTupu ka yaku, kuuli ka komiu, tumo matuvu mpo tona ledo nosisani ante Alatala! Ira aga nompekirika anu ledo ria gunana,

Filipi 2:15

ala malanto ka pura-pura tona komiu ana-ana nu Alatala nabelo, anu ledo rasalai ntona. Komiu natuvu nanoa ri tatanga manusia natenggo bo nadaa nasimbayu mpo betue-betue nombavanta kalandana.

1 Tesalonika 2:11

Nisanimiu mbotomo, kami nasaro nompatuduki komiu mpo totua langgai nompatuduki anana mboto. Kami nompakaroso raramiu bo nasaro nompopatora komiu matuvu mompakadamba rara nu Alatala. Apa Iamo nompokio komiu majadi todeaNa ri PoparentaNa bo mombarasai kaogeNa.

1 Timotius 4:16

Jagaimo pokainggumu bo jagai muni pepatudukimu. Iko kana matutu movia pura-pura anu nipatudukiku ka iko. Apa ane mupovia ivesia, iko mboto rapakasalama bo topangepe pepatudukimu muni rapakasalama.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.