Suro-Suro 2:37 - Kaili Ledo

³⁷ Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”

Suro-Suro 2:37 ပူးပေါင်းရင်းမြစ်များ

Lukas 3:10

Pade nekutana todea, “Ane ivesia, nuapa masipato rapovia kami?”

Lukas 3:12

Naria muni topesingara balasitee nakava mekidiu nte i Yohanes bo nekutana, “Guru, nuapa masipato rapovia kami?”

Lukas 3:14

Naria muni tantara-tantara nakava nekutana nte i Yohanes, “Berimba nte kami? Nuapa masipato rapovia kami?” Nesana i Yohanes, “Tumo momparangga tona bo nee raagosimiu doina. Nee raelomiu nelabi lako ri gajimiu. Naganamo gajimiu.”

Yohanes 8:9

Nangepe tesa i Yesus haitu, nalai saito-saitomo ira lako ri sia, nompamula lako ri totua sampe tona namuda. Kaupuna nalai puramo, naboli damo i Yesus ante mombine pangane batena neangga ri belana.

Suro-Suro 1:16

“Sampesuvu pura-pura. Anu nitulisi riara Buku Gasa nombatesa i Yudas kana madupa. Tempo nggaulu Magau Daud nompasimbayu tesa nu Nosa Gasa nanguli i Yudas manggeni tona mosaka i Yesus.

Suro-Suro 22:10

Jadi nekutana vai yaku, ‘Nuapa masipato kupovia, Pue?’ Nesanamo i Pue, ‘Peanggamo! Koimo pesua ri ngata Damsyik. Hamai pade rauli ka iko pura-pura anu nipakatantu nu Alatala kana mupovia.’

Suro-Suro 5:33

Nangepe tesa-tesa nu suro-suro, nadua mpuu rara ntoPolibu Mbaso, sampe ira nasintuvu mompatesi suro-suro haitu.

Suro-Suro 7:54

Nangepe tesa i Stefanus pangane, nadua mpuumo rara ntoPolibu Mbaso Agama sampe nanggiki baga pura ira.

Roma 7:9

Bara ipia, dopame nisaniku Atura agama, yaku natuvu nasana. Tapi nisanikupa Atura agama, dosa anu naria mami riara ntaiku nompamula naroso,