Suro-Suro 2:30 - Kaili Ledo

^30-31 Alatala nojanji bo nipakarosoNa ante sumpa, kana maria saito lako ri muli i Daud mboto raanggataka majadi magau bara maipia. Nisani i Daud pojanji haitu bo ia muni nabi, jadi nisanina anu rapovia nu Alatala. Nibotona Magau Topepakasalama anu nijanji nu Alatala matuvu mpanjili lako ri kamateNa. I Daud nanguli: ‘Ia ledo rapalamba maboli ri ponturo ntomate, karobataNa ledo maboli riara dayo sampe mapopo majadi avu.’ Mazmur 16:10

Suro-Suro 2:30 ပူးပေါင်းရင်းမြစ်များ

Matius 22:43

Nanguli i Yesus, “Ane ivesia, nuapa sabana Magau Daud nanguli Topepakasalama haitu Puena? Apa ante pekeniaka Nosa Gasa nu Alatala, i Daud nanguli ivei:

Matius 27:35

Ri siamo ira nombapaku i Yesus ri kayu salib. Naupu haitu, nibagira pakeaNa ante notende lamoro. Isema nambela lamoro, ia manggava pakea haitu.

Markus 12:36

Magau Daud mboto notesaki Magau Topepakasalama ante pekeniaka Nosa Gasa, ivei: Tupu nanguli ka Pueku, Mazmur 110:1

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Suro-Suro 1:16

“Sampesuvu pura-pura. Anu nitulisi riara Buku Gasa nombatesa i Yudas kana madupa. Tempo nggaulu Magau Daud nompasimbayu tesa nu Nosa Gasa nanguli i Yudas manggeni tona mosaka i Yesus.

Roma 1:3

Kareba Belo haitu notesaki Ana nu Alatala, haitumo Tuputa Yesus Kristus. I Yesus najadi manusia apa Ia nipoanaka lako ri muli Magau Daud. KagasaNa nasimbayu nte kagasa nu Alatala sabana Ia Ana nu Alatala mami. Nisanita Ia mpuu-mpuu Ana nu Alatala sabana Alatala nompakatuvu Ia mpanjili lako ri kamateNa ante kuasa nipokumaaka.

Roma 15:12

Bo naria muni tesa nitulisi Nabi Yesaya ivei: <> Yesaya 11:10

2 Timotius 2:8

Ane murasai kasusa, toramo i Yesus Kristus, muli Magau Daud. Ia namate bo natuvu mpanjili evamo anu nitesa riara Kareba Belo nipatoleleku.

Ibrani 1:1

Tempo nggaulu, nadea ngganimo Alatala nompasimbayu tesaNa ante mpengaya-ngaya cara ka nabi-nabi anu nompapola tesaNa haitu ka totuata nggaulu.

Ibrani 3:7

Jadi, epemo tesa lako ri Nosa Gasa nu Alatala nanguli ivei: “Ane raepemiu suara nu Alatala eo hitu,

Ibrani 4:7

Jadi haitu sampe Alatala nompakatantu loga ntanina anu niuliNa “eo hitu” ala manusia radekei loga menonto mosanggani-nggani ante Ia. Noatu-atu mpae naliu i Musa, pade Magau Daud notulisi tesa nu Alatala nitulisiku ri bavona ivei: “Ane raepemiu suara nu Alatala eo hitu, nee rapakakaamiu bagamiu.” Mazmur 95:7-8

Ibrani 6:17

Ivesia muni ante Alatala. Ia nadota nompopakita pojanjiNa ledo ntoto mabali. Ia nadota nompopakitana ka tona masipato mantarima anu nijanjiNa. Jadi Ia nosumpa ala mompakaroso pojanjiNa.

Ibrani 7:21

Tapi tempo i Yesus nianggatakaNa, Ia nosumpa. NiuliNa ka i Yesus ivei: “Yaku nosumpa bo ledo ntoto mabali pekiriKu, Iko topanggeni pesomba sampe ri kasae-saena.” Mazmur 110:4

2 Petrus 1:21

Apa nabi-nabi nombaboto tesa ledo nangoseaka dota nu manusia. Tapi Nosa Gasa nu Alatala nombakuasai tona ala rapasimbayura tesa lako nte Alatala mboto.

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.