Suro-Suro 2:29 - Kaili Ledo

²⁹ I Petrus nompapola tesana ivei; “Sampesuvu-sampesuvuku, kuuli pakalanto ka komiu, i Daud, magau ntotuata namate bo nitana. Dayona da namala nikita sampe eo hitu. Jadi natantu ledo karobatana mboto anu nipatujuna.

Suro-Suro 2:29 ပူးပေါင်းရင်းမြစ်များ

Suro-Suro 13:36

Tesa hitu ledo nambela i Daud, sabana naupu ia novia anu nitudu nu Alatala ka ia, namatemo ia. Bo ia nitana ri sinjori dayo ntotuana nggaulu, bo karobatana napopomo.

Suro-Suro 2:28

NituduakaMiu ka yaku dala matuvu mabelo sampe ri kasae-saena. Melabipa kadamba raraku apa Komiu nosanggani-nggani ante yaku.’ ” Mazmur 16:8-11

Suro-Suro 22:5

Pakeni nTopanggeni Pesomba mboto bo pura-pura toPolibu Mbaso Agama Yahudi mamala mombasabiki tesaku hitu nakana. Apa ira mbotomo nombadekei ka yaku sura rakeni ka toYahudi ri ngata Damsyik. Sura haitu nombadekei kuasa ka yaku ala yaku mamala mombasaka topomparasaya pepatuduki i Yesus sumai bo manggeni ira tumai ri ngata Yerusalem bo rahuku.”

Suro-Suro 26:26

Nisani Magau Agripa mboto anu nitesaku pangane. Haitu sampe yaku ledo naeka notesa ivesia ri ngayona. Nisaniku ledo ria nuapa-nuapa dopa nisanina apa kajadia haitu ledo nitabuniaka.”

Ibrani 7:4

Jadi pekirimo kaoge i Melkisedek hitu! I Abraham, tuama ntotuata nggaulu, nombadekei ka ia sabagia lako ri sapulu bagia pura-pura mbara-mbara tobelona nialasina lako ri magau-magau anu nidagina.