Suro-Suro 2:23 - Kaili Ledo

²³ I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 2:23 ပူးပေါင်းရင်းမြစ်များ

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Matius 26:24

Yaku, Ana nu Manusia, kana mamate nangoseaka anu nitulisi riara Buku Gasa. Tapi mandasa mpuu tona mompobalu Yaku! Aginapa tona haitu ledo nipoanaka ntinana.”

Matius 27:35

Ri siamo ira nombapaku i Yesus ri kayu salib. Naupu haitu, nibagira pakeaNa ante notende lamoro. Isema nambela lamoro, ia manggava pakea haitu.

Markus 15:24

Pade nipakuramo Ia ri kayu salib. Naupu haitu niposibagi-bagiramo pakeaNa ante notende lamoro ala matantu isema rakamalakana.

Lukas 22:22

Yaku, Ana nu Manusia kana mamate mami nangoseaka anu nipakatantu nu Alatala. Tapi mandasa mpuu tona mompobalu Yaku!”

Lukas 22:37

Sabana, naria anu nitulisi riara Buku Gasa nanguli, ‘Magau Topepakasalama rareke ntona todaa.’ Anu nitulisi haitu mpuu-mpuu majadi ri karoKu. Apa anu nitulisi ri Buku Gasa anu nombatesa Yaku, nipakadupa sii-sii.”

Lukas 23:33

Tempo nakava ri buntina nosanga Banga Balengga, nipakuramo i Yesus ri kayu salib. Bo tona nadaa randua haitu nipakura munimo ri kayu salib ntanina, saito ri sabingga nggana i Yesus, bo saito ri sabingga njidiNa.

Lukas 24:20

Tapi balengga-balengga ntopanggeni pesomba bo totua-totua nu ngatata nombadekei Ia ka pomarenta ala rahuku mate, bo nipakura Ia ri kayu salib.

Yohanes 19:18

Ri siamo i Yesus nipakura ri kayu salib. Ri tempo haitu naria muni randua tona ntanina nipaku ri kayu salibra, saito ri sabingga ngganaNa, saito ri sabingga njidiNa bo i Yesus ri tatangara.

Yohanes 19:24

Haitu sampe tantara-tantara nanguli, “Nee rabitesita baju ndoe hitu. Agina kita mompenoa lamoro. Isema mambela lamoro, iamo manggava baju hitu.” Haitu najadi ala madupa tesa nitulisi riara Buku Gasa ivei: “Ira momposibagi pakeaKu, bo baju ndoeKu raposipenoara.” Mazmur 22:18 Jadi anu nipovia ntantara-tantara nompakadupa anu nitulisi haitu.

Suro-Suro 13:27

Tona nonturo ri ngata Yerusalem bo pakeni-pakenira ledo nisanira i Yesus Magau Topepakasalama. Ledo muni nisanira batuana pepatuduki nu nabi-nabi anu nibaca ka ira ri eo-eo penonto. Haitumo sampe nihukura mate i Yesus. Bo poviara haitu nompakadupa anu niboto nu nabi-nabi pangane!

Suro-Suro 15:18

anu nompopaisani patujuNa lako nggauluname.” Amos 9:11-12

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Suro-Suro 4:28

Ira nasintuvu nompatesi i Yesus. Tapi kakanana anu nipoviara aga nompakadupa anu nipakatantuMiu mami lako ri pamulana nangoseaka kuasaMiu bo dotaMiu.

Suro-Suro 5:28

“Komiu nitagi kami bara ipia, nee mpuu mompatolele pepatuduki i Yesus. Tapi ledo nepangala komiu, aga nggosena nipatolelemiu pepatuduki haitu ri njumangu ngata Yerusalem, bo niulimiu muni, i Yesus haitu namate nipatesi kami!”

Suro-Suro 5:30

Komiu nantudu tona mompatesi i Yesus bo mombapaku Ia ri kayu salib. Tapi Alatala anu nisomba ntotuata nggaulu, Iamo nompakatuvu i Yesus mpanjili lako ri kamateNa.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

Roma 2:12

Tona ledo toYahudi ledo nangisani Atura-atura agama Yahudi anu nipapola Nabi Musa. Tapi ane ira novia dosa, ira kana rahuku nau ledo nisanira Atura agama Yahudi. Tapi ane toYahudi anu nangisani Atura agama bo nipoviara dosa, ira kana rahuku nantuntuni Atura agamara haitu.

Roma 4:17

Riara Buku Gasa tesa nu Alatala ka i Abraham nitulisi ivei: <> Bo i Abraham nomparasaya tesaNa. Alatalamo nakuasa nompakatuvu tomate, bo nipakuleNa nombasovadaka tesaNa nanggasangai anu dopa naria, najadi naria.

1 Tesalonika 2:15

ToYahudi anu ledo nomparasaya haitumo nompatesi i Pue Yesus bo nabi-nabi nu Alatala bo ira muni nompandasa kami. Ira nangeva pura-pura manusia bo Alatala ledo ntoto nadamba nte ira.

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.

1 Petrus 2:8

Bo naria tesa ntanina ri Buku Gasa ivei: “Vatu haitu nompakatepasunu tona. Vatu haitu nompakadungga ira.” Yesaya 8:14-15 Ira natepasunu sabana ira ledo nadota nangoseaka Tesa nu Alatala, bo haitumo bagiara nipakatantu nu Alatala ka ira.

Yudas 1:4

Nariamo bara sako-ndua tona nesua nggalino-lino ri tatangata ntopomparasaya. Pangulira ira sampesuvuta sampomparasaya, tano mai ira ledo nangoseaka dota nu Alatala. Pangulira ledo makuya kita mangoseaka dota rarata nadaa, apa Alatala nompotove kita bo raampungiNa salata haitu. Tapi pepatuduki haitu ledo ntoto nakana, ira aga nombatenggoaka pepatuduki anu nombatesa kabelo nu Alatala. Nisapura i Yesus Kristus saito-itoNa Magau bo Tuputa. Lako ri nggauluname pehuku rapambela ka ira nipakatantu mamimo bo nitulisi riara Buku Gasa.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.