Suro-Suro 2:22 - Kaili Ledo

²² I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Suro-Suro 2:22 ပူးပေါင်းရင်းမြစ်များ

Matius 12:28

Yaku nompopalai seta-seta ante kuasa Nosa Gasa nu Alatala. Bo haitu nompopakita ka komiu Alatala nompamulamo nomparenta ri tatangamiu!

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Matius 9:8

Nanggita kajadia haitu naekamo rara ntodea ri sia. Bo nitoiyara Alatala sabana nidekeiNa kuasa nambaso eva haitu ka manusia.

Lukas 11:20

Yaku nompopalai seta-seta ante kuasa nu Alatala. Jadi haitu nompopakita ka komiu, Alatala nompamulamo nomparenta ri tatangamiu!”

Lukas 18:37

Nesana tona, “I Yesus, toNazaret moliu ri sii.”

Lukas 24:18

Nesanamo saito anu nosanga i Kleopas, “Lako ri pura-pura tona ri ngata Yerusalem bara aga Komiu saitoMiu ledo nangisani anu najadi bara sako-mbongi naliu!”

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Yohanes 10:37

Ane rapana ledo Kupovia pokarajaa niparasaya nTuamaKu ka Yaku, nee raparasayamiu Yaku.

Yohanes 11:47

Jadi balengga-balengga ntopanggeni pesomba bo toFarisi nompasiromu toPolibu Mbaso Agama Yahudi. Niulira ka topolibu anu nasiromu haitu, “Nuapa masipato rapoviata? Nadea mpuu kabaraka nipovia ntona haitu.

Yohanes 12:17

Todea anu nosanggani-nggani ante i Yesus tempo Ia nompokio i Lazarus lako riara dayo bo nompakatuvu mpanjili ia, todea gahaitumo notesa kajadia haitu ka tona ntanina.

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Yohanes 19:19

I Pilatus nantudu tantarana mompataka dopi ri kayu salib i Yesus. Nitulisi ri dopi haitu ivei: I YESUS TONAZARET, MAGAU NTOYAHUDI.

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 4:48

Nangepe haitu, nanguli i Yesus ka ia, “Komiu todea, ane ledo rakitamiu tanda-tanda nipokumaaka bo kabaraka-kabaraka, ledo ntoto raparasayamiu.”

Yohanes 5:36

Tapi naria sangayapa anu nompakalanto isema Yaku, bo anu haitu nopokopa pade sabi i Yohanes Topediu, haitumo pokarajaaKu. PokarajaaKu niparasaya nTuamaKu ka Yaku ala Kupakaupu. Pokarajaa haitumo nompakalanto Yaku hii nitudu nTuamaKu.

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 6:27

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 9:33

Ane tona haitu ledo lako nte Alatala, natantumo Ia ledo mamala movia nuapa-nuapa.”

Suro-Suro 13:16

Jadi neanggamo i Paulus, bo nilaerakana palena, bo nanguli, “Sampesuvu-sampesuvuku toIsrael, bo pura-pura sampesuvuku ntanina ri sii, anu natundu nte Alatala. Epemo tesaku!

Suro-Suro 14:27

Tempo nakava ri ngata Antiokhia, nipasiromura topomparasaya i Yesus bo nitesakara pura-pura anu nipovia nu Alatala ri polipara. Nitesara muni Alatala nombadekei loga ka tona ledo toYahudi momparasaya i Yesus.

Suro-Suro 2:19

Kupopakita ka komiu kabaraka-kabaraka ri langi bo tanda-tanda nipokumaaka ri dunia. Maria raa bo apu bo unu nu apu.

Suro-Suro 2:43

Nadea mpuu kabaraka bo tanda-tanda nipokumaaka nipovia nu suro-suro sampe nokumaa bo naeka todea.

Suro-Suro 21:28

bo nongare-ngare, “ToYahudi! Tulungimo kami! Hitumo tona hau ri umba-umba nompatuduki todea mangeva kita toYahudi. Nipatudukina tona mombabaliki Atura-atura agama anu nipapola Nabi Musa, bo nisalaina Banua nu Alatala hitu! Sii-sii nikenina tona ledo toYahudi nesua riara Banua nu Alatala nompakaruto ponturo nagasa hitu!”

Suro-Suro 22:8

Yaku nekutana, ‘Isema komiu, Tua?’ Nesana suara haitu, ‘Yakumo hii i Yesus toNazaret nipandasamu!’

Suro-Suro 24:5

Nikita kami i Paulus tuu topegado nadaa ntoto. Nipakagadona toYahudi ri umba-umba ngata. Ia muni pakeni ntona nangoseaka pepatuduki i Yesus toNazaret.

Suro-Suro 26:26

Nisani Magau Agripa mboto anu nitesaku pangane. Haitu sampe yaku ledo naeka notesa ivesia ri ngayona. Nisaniku ledo ria nuapa-nuapa dopa nisanina apa kajadia haitu ledo nitabuniaka.”

Suro-Suro 26:9

Ivesia muni yaku bara ipia. Nisarumakaku kana kupasimbuku mangeva tona nomparasaya i Yesus toNazaret.

Suro-Suro 3:12

Tempo i Petrus nanggita todea gahaitu, niulikana ira, “Sampesuvu-sampesuvuku toIsrael! Nakuya komiu nokumaa nanggita anu najadi pangane? Nakuya nikanotosikamiu kami? Natantu nisarumakamiu tona hitu nolipa sabana kabaraka kami mboto, atau sabana poagama kami naroso. Tapi ledo ntoto nakana!

Suro-Suro 3:6

Tapi nanguli i Petrus ka ia, “Yaku ledo naria doiku, tapi anu naria nte yaku, haitumo kudekei ka iko. Ante kuasa i Yesus Kristus toNazaret, polipamo!”

Suro-Suro 4:10

Jadi ala rasanimiu bo ala rasani nu sampesuvuta toIsrael pura muni, kami manguli ka komiu, tona hitu nipakabelomo bo ia neangga ri ngayomiu pura-pura sabana kuasa lako nte i Yesus Kristus toNazaret. Komiu nombapaku i Yesus ri kayu salib sampe namate, tapi Alatala nompakatuvu Ia mpanjili.

Suro-Suro 5:35

Naupu haitu niulikana ka toPolibu Mbaso haitu, ivei: “Sampesuvu-sampesuvuku toIsrael! Kita kana mompekiri pakabelo-belo anu rapoviata ka tona hitu,

Suro-Suro 6:14

Niepe kami ia nanguli i Yesus toNazaret mombagerosi Banua nu Alatala bo mombabaliki pura-pura ada anu nidekei i Musa ka kita.”

2 Korintus 12:12

Tempo yaku naria ri situ nte komiu, nipoviaku tanda-tanda anu nompakalanto yaku mpuu-mpuu suro i Yesus. Yaku nosabara nokarajaa nau nadea kasusa nirasaiku, bo nipoviaku tanda-tanda nipokumaaka bo kabaraka-kabaraka ante kuasa lako nte Alatala.

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.