Suro-Suro 2:20 - Kaili Ledo

²⁰ Mata nu eo mabali majadi malanda, bula majadi mpo raa, dopame makava eo mbaso anu ledo ria kasimbayuna, haitumo Eo Tupu mombatangara manusia.

Suro-Suro 2:20 ပူးပေါင်းရင်းမြစ်များ

Matius 24:29

“Maupu tempo pepandasa nadaa haitu, ‘mata eo majadi malanda bo bula domo ntoto mareme. Betue-betue manavu lako ri langi bo mpengaya-ngaya anu nakuasa ri langi ragoya.’ Yesaya 13:10; 34:4

Matius 27:45

Natongo eo, sampesanika nalandamo njumangata haitu sampe tinti tatalu nggoviana.

Markus 13:24

<

Lukas 21:25

“Tempo haitu maria tanda-tanda nipokaeka rakitamiu ri mata nu eo, bula, bo ri betue-betue. Pura-pura manusia maeka rarara bo maingu mangepe pogu balumba mbaso ri tasi moruu mpo guru kede.

Suro-Suro 2:19

Kupopakita ka komiu kabaraka-kabaraka ri langi bo tanda-tanda nipokumaaka ri dunia. Maria raa bo apu bo unu nu apu.

Suro-Suro 2:21

Bo isema-sema mekakai nte Tupu, ia kana rapakasalama.’ ” Yoel 2:28-32

1 Korintus 5:5

kutudu komiu mombadekei tona haitu riara kuasa Magau nu Seta. Povia ivesia ala karona rahuku bo kaupuna nyawana rapakasalama tempo i Yesus makava mpanjili ri dunia.

1 Tesalonika 5:2

Apa nisanimiu mboto kakava i Pue Yesus bara maipia masimbayu mpo kakava ntopangangga bongina tempo ledo nisani-sani ntona.

2 Petrus 3:10

Tapi i Pue Yesus mpuu-mpuu makava mpanjili! KakavaNa ledo rasani-sani ntona, nasimbayu mpo kakava ntopangangga. Ri eo haitu langi malipo sanggani ante moni mamangga mpuu mpo suu nu apu oge. Bo pura-pura anu naria ri langi maropu rakande nu apu, bo dunia ante pura-pura isina malipo sanggani.

2 Petrus 3:7

Sii-sii ledo nikitata anu nabali tapi langi bo tana anu naria sii-sii nijagai ante kuasa tesa nu Alatala sampe rapakaropu ante apu bara maipia. Sii-sii dunia da nijagai sampe Eo Potangara bara maipia tempo pura-pura tona anu ledo nangoseaka dota nu Alatala rahuku.

Pompakita 16:8

Naliu haitu, malaeka kaampana nombabusaka isi tubuna ri mata nu eo. Bo mata nu eo haitu nidekeika kuasa mompalabu manusia ante kapanena mpo apu.

Pompakita 6:12

Naupu sia, nikitaku Ana Bimba nombabuka populu kaaonona. NibukaNapa, nalingu mbasomo bo mata nu eo najadi navuri mpo karu vuri. Bo bula najadi nalei njumangu mpo raa.