Suro-Suro 2:19 - Kaili Ledo

¹⁹ Kupopakita ka komiu kabaraka-kabaraka ri langi bo tanda-tanda nipokumaaka ri dunia. Maria raa bo apu bo unu nu apu.

Suro-Suro 2:19 ပူးပေါင်းရင်းမြစ်များ

Yohanes 4:48

Nangepe haitu, nanguli i Yesus ka ia, “Komiu todea, ane ledo rakitamiu tanda-tanda nipokumaaka bo kabaraka-kabaraka, ledo ntoto raparasayamiu.”

Suro-Suro 2:18

Sampe batua-batuaKu muni, langgai bo mombine, Kudekeika Nosa Gasa ri tempo nijanjiKu haitu. Bo ira mompasimbayu pura-pura anu Kuuli ka ira.

Suro-Suro 2:20

Mata nu eo mabali majadi malanda, bula majadi mpo raa, dopame makava eo mbaso anu ledo ria kasimbayuna, haitumo Eo Tupu mombatangara manusia.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.