Suro-Suro 2:10 - Kaili Ledo

¹⁰ lako ri tana Frigia bo Pamfilia, lako ri tana Mesir bo lako ri tana Libia napara ngata Kirene. Naria muni lako ri ngata mbaso Roma.

Suro-Suro 2:10 ပူးပေါင်းရင်းမြစ်များ

Matius 2:15

Bo ira nonturo hamai sampe namate Magau Herodes. Ivesiamo kadupana tesa nTupu nipasimbayu nu nabi nggaulu ivei: “Yaku nompokio anaKu mesuvu lako ri tana Mesir.”

Matius 23:15

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Nakadiki mpuu komiu mompatuduki tona ntanina mangoseaka pepatudukimiu. Komiu hau nevote tasi bo nolipa nakavao mangelo nau aga saito tona mesua agamamiu. Bo nesuapa ia, komiu nanggeni ia majadi rongganipa kadaana pade komiu mboto!

Matius 27:32

Ri tatanga dala tantara-tantara nosintomuka saito langgai lako ri ngata Kirene anu nosanga i Simon. Ia nibarusura manjimbuaka kayu salib i Yesus.

Markus 15:21

Ri tatanga dala, nibarusuramo saito tona nosanga i Simon mombasimbuaka kayu salib i Yesus. I Simon haitu tuama i Aleksander bo i Rufus lako ri ngata Kirene, bo tempo haitu ia da ri polipana hau ri ngata Yerusalem.

Suro-Suro 11:20

Tapi naria muni roara lako ri levuto Siprus bo propinsi Kirene hau ri ngata Antiokhia bo nompatolele Kareba Belo i Yesus ka tona ledo noagama Yahudi.

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

Suro-Suro 13:13

Lako ri ngata Pafos ri levuto Siprus, i Paulus nte roana nesavi kapala ntasi hau ri ngata Perga ri propinsi Pamfilia. Nakava sumai i Yohanes-Markus nompalaisi ira bo nanjili hau ri ngata Yerusalem.

Suro-Suro 13:43

Naupu puramo tona nesuvu lako ri banua petupu pangane, nadea toYahudi bo tona ntanina anu nesua agama Yahudi, nomporoa i Paulus bo i Barnabas. Suro-suro haitu nompakaroso rarara ala ira bate-batena manjarumaka kabelo nu Alatala.

Suro-Suro 14:24

Naupu haitu i Paulus bo i Barnabas nompapola polipara noliu ri bagia Pisidia sampe nakava ri propinsi Pamfilia.

Suro-Suro 15:38

tapi i Paulus nanguli, “Ledo nabelo manggeni i Markus, apa nipalaisina kita bara ipia ri propinsi Pamfilia, bo ia ledo nokarajaa sampe naupu.”

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 17:21

(Niulira ivesia apa pura-pura toAtena bo tosangatana anu nonturo ri Atena, nadamba mpuu nonturo-nturo nangepe bo nombajaritai tesa nabaru sampe nabiasa ledo ria tempona nombatui anu santanina.)

Suro-Suro 18:2

Nakava sumai, ia nosintomu ante toYahudi nosanga i Akwila anu nipoanaka ri propinsi Pontus. I Akwila ante bereina mombine i Priskila dako nakava ri ngata Korintus lako ri propinsi Italia. Ira nolinja hau ri Korintus sabana i Klaudius, Magau Mbaso, nomparenta pura-pura toYahudi kana mompalaisi ngata Roma ri propinsi Italia. I Paulus hau nantunggai ira randua,

Suro-Suro 18:23

Bara sakuya kasaena ia nonturo ri Antiokhia, pade hau vaimo ia ri bagia Galatia bo Frigia ala mompakaroso pomparasaya ntopangoseaka i Yesus.

Suro-Suro 2:11

Sanu kita toYahudi bo sanu nesua agama Yahudi. Naria tona nakava lako ri levuto Kreta bo lako ri tana Arab. Kita hitu tona lako ri mpengaya basa, tapi niepeta ira nombatesa kabaraka-kabaraka nipovia nu Alatala ante basa mpengaya-ngaya!”

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 27:5

Kami nokapala ri tasi luo anu napara propinsi Kilikia bo Pamfilia, sampe nakava ri ngata Mira ri propinsi Likia.

Suro-Suro 28:15

Sampesuvu-sampesuvu sampomparasaya ri ngata Roma nangepe kareba naparamo kami, nakavamo ira mombatomunaka kami ri ngata Potomu Apius bo ri ngata Banua Tatalu. Nosinggavapa kami ante ira, i Paulus nanguli tarima kasi ka Alatala, bo narosomo rarana.

Suro-Suro 6:5

Naupu nangepe tesa nu suro-suro pangane, nasituju puramo topangoseaka i Yesus ante tesa haitu. Jadi nipelisiramo i Stefanus, saito tona naroso pomparasayana i Yesus bo muni ia nikuasai nu Nosa Gasa nu Alatala. Nipelisira muni i Filipus, bo i Prokhorus, i Nikanor, i Timon, i Parmenas, bo i Nikolaus lako ri ngata Antiokhia. Ia ledo toYahudi, tapi ia nesua agama Yahudi.

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Roma 1:15

Haitumo sampe naoge raraku mompatolele Kareba Belo ka komiu toponturo ri ngata Roma muni.

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

2 Timotius 1:17

Tempo ia nakava ri ngata Roma, nielo-elona yaku sampe nikavana.

Pompakita 11:8

Bo karobatara randua haitu matepalamba nggoo ri dala jama ri ngata mbaso, haitumo ri ngata anu nipompatesi i Yesus ri kayu salib. Ngata mbaso haitu nirapaka Sodom bo Mesir nggaulu sabana nadaa mpuu tupu ngata haitu.