Suro-Suro 2:1 - Kaili Ledo

¹ Nanggava eo mbaso ntoYahudi anu niuli Eo Pentakosta, pura-pura topangoseaka i Yesus ri sia nasiromu ri sangu banua.

Suro-Suro 2:1 ပူးပေါင်းရင်းမြစ်များ

Suro-Suro 1:5

Toramo! I Yohanes nombadiu tona ante uve, tandana ira najea lako ri dosara. Tapi bara sako-eopa komiu radiu ante Nosa Gasamo.”

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 20:16

Lako ri pamula polipa kami, i Paulus nompakatantu domo ia mesai ri ngata Efesus, ala nee masae gaga ri propinsi Asia. Apa nasara rarana hau mantuntuni eo mbaso Pentakosta ri ngata Yerusalem.

Suro-Suro 4:24

Naupu roara nangepe tesara haitu, pura-pura ira nosangu rara nekakai nte Alatala ivei: “Pue, Komiumo Topompajadi langi, tana, tasi, bo pura-pura isina.

Suro-Suro 4:31

Naupu ira nosambaya, banua nikasiromura haitu nogoya. Ira pura-pura nikuasai nu Nosa Gasa nu Alatala, bo nipatolelera tesa nu Alatala bo domo ntoto naeka rarara.

Suro-Suro 4:32

Pura-pura topangoseaka i Yesus natuvu nosangu rara bo nosangu pekiri. Ledo ria saitoa nanguli mbara-mbarana anuna mboto. Anu naria ante ira, anura mpasanggani-nggani.

Suro-Suro 5:12

Nadea mpuu kabaraka bo tanda-tanda nipokumaaka nipovia nu suro-suro ri mata ntodea. Bo topangoseaka i Yesus nosangu rara nasiromu ri Banua nu Alatala ri Tambale Magau Salomo.

Roma 15:6

ala komiu mosangu rara bo mosangu suara mompakaoge Alatala, Tuama nTuputa i Yesus Kristus.

1 Korintus 16:8

Tapi hitupa yaku maroo ri ngata Efesus sampe Eo Mbaso Pentakosta,

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

Filipi 2:2

Sabana haitu, kuperapi komiu mpuu-mpuu mompakadamba raraku ivei: matuvu mosimpotove, mosangu rara, mosangu pekiri bo mosangu patuju.