Suro-Suro 19:9 - Kaili Ledo

⁹ Tapi bara sako-ndua ira nakaa bagara bo ledo nadota nomparasaya. Ira nanjalai nia nu Alatala ri ngayo ntodea, haitumo niaNa mompakasalama manusia sabana anu nipovia i Yesus. Haitumo sabana i Paulus nompalaisi ira, bo nikenina topangoseaka i Yesus hau ri sikola i Tiranus. Eo-eo ia nosinjula pekiri ante tona ri sia.

Suro-Suro 19:9 ပူးပေါင်းရင်းမြစ်များ

Matius 15:14

Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Matius 16:4

Nadaa mpuu komiu natuvu sii-sii! Komiu ledo natutu nangoseaka Alatala. Komiu nerapi ala Kupovia tanda rapokumaaka ntona. Tapi ledo ria sangua tanda rapopakita ka komiu, aga tanda eva anu najadi nte Nabi Yunus nggaulu.” Naupu haitu, nipalaisiNamo ira.

Matius 26:55

Pade nanguli i Yesus ka todea ri sia, “Berimbamo? Yaku hii topeago sampe komiu kana tumai ante guma bo pato mombasaka Yaku? Eo-eo Yaku nonturo nompaguru ri doyata Banua nu Alatala, tapi ledo nisakamiu Yaku!

Yohanes 12:40

“Tupu nompakaburo matara bo nompakakaa bagara, ala matara ledo mekita bo rarara ledo mesani, ala ira ledo manjili nte Ia bo rapakabeloNa.” Yesaya 6:10

Suro-Suro 11:26

Nosinggavapa ia ante i Saulus, haumo ira randua ri ngata Antiokhia. I Barnabas bo i Saulus nonturo sumai sampae kasaena. Ira nasaro nasiromu nosanggani-nggani nte todea topomparasaya bo nadea mpuu tona nipatudukira. Ri ngata Antiokhia haitumo topangoseaka i Yesus pamula-mulana niuli toKristen.

Suro-Suro 14:4

Tapi tona ri ngata haitu ledo nasintuvu. Naria nosabingga ka toYahudi, bo naria muni nosabingga ka suro-suro.

Suro-Suro 17:4

Nangepe tesa i Paulus, bara sako-ndua toYahudi nomparasaya tesa haitu bo nantuntuni i Paulus bo i Silas. Ivesia muni toYunani, nadea natundu nte Alatala, bo mombine-mombine naria nturona ri ngata haitu, nadea muni nomparasaya.

Suro-Suro 19:23

Ri tempo haitu, neumbamo kagado mbaso ri ngata Efesus sabana ledo nipokonora pepatuduki i Pue Yesus.

Suro-Suro 19:30

I Paulus madota mesua mantingayo todea ri sia tapi nitagi ntopangoseaka i Yesus.

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Suro-Suro 22:4

Haitu sampe nipandasaku topangoseaka pepatuduki i Yesus. Naria sanu nipatesiku, naria sanu nisakaku bo nisuarakaku riara ntarunggu, langgai bo mombine.

Suro-Suro 24:21

Ledo naria sala nikavara, aga sambela tesa niuliku ri ngayora anu ledo nipokonora, ivei: ‘Yaku nitangara eo hitu, sabana yaku nomparasaya tona namate kana matuvu mpanjili.’ ”

Suro-Suro 28:22

Tapi kami madota mangepe komiu motesa anu niparasayamiu, sabana nisani kami, ri umba-umba nisalai ntona pepatuduki nioseakamiu tutu.”

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

Suro-Suro 9:2

bo nerapi sura kuasa rakenikana ka pakeni agama ri banua petupu ntoYahudi ri ngata Damsyik. Patujuna, ane rakavana topangoseaka Pepatuduki i Yesus, bara langgai bara mombine, rasakana bo rakenina hau ratangara ri ngata Yerusalem.

Roma 11:7

Jadi, kambukuna, todea toYahudi nadota najadi nanoa ri panggita nu Alatala, tapi ledo nikavara anu nielora. Topanggavana aga sakide, haitumo tona nipelisi nu Alatala. ToYahudi ntanina aga nakaa bagara.

Roma 9:18

Jadi, Alatala nompoasi isema-sema nipodotaNa rapoasiNa bo Ia nompakakaa baga isema-sema nipodotaNa rapakakaaNa.

1 Korintus 16:9

apa nadea loga ka yaku ri sii mokarajaa anu mamala manggeni belo ka todea, naupa nadea muni topangeva yaku ri sii.

1 Timotius 6:5

bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 3:5

Pangoseakara ada-ada agama mpo tona natundu nte Alatala, tapi riara ntaira nipoarara kuasa nu Alatala anu nompakule mombabaliki rarara nadaa. Timotius, nee mpuu mosimpovega nte tona nokainggu nadaa ivehaitu.

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.

Ibrani 3:13

Tapi eo-eo komiu kana mosipakaroso rara ala ledo maria komiu rabagiu nu dosa sampe bagamiu majadi makaa. Posipakaroso raramiu ane komiu da natuvu ri tempo niuli ri Buku Gasa “eo hitu”, batuana, kamba da naria loga.

2 Petrus 2:12

Tapi guru-guru mpodava haitu nanjalai nuapa-nuapa ledo nisanira. Ira nasimbayu nte binata nasoa, anu aga nipoanaka rasaka bo rapatesi. Ira ledo nompekiri, aga natuvu nangoseaka dota-dota anu naria nte ira. Jadi lako ri pokainggura nadaa haitu, guru-guru mpodava kana rapakaropu nasimbayu nte binata-binata nasoa.

2 Petrus 2:2

Nadea tona mompasiala pokainggu nu guru-guru gahaitu anu nangoseaka dota nu rarara nadaa. Bo pepatuduki nakana rasalai ntona sabana pokainggura haitu.

Yudas 1:10

Tapi guru-guru mpodava haitu nanjalai mpengaya-ngaya anu ledo nisanira. Ira nasimbayu mpo binata-binata anu ledo namala nompekiri. Anu nirasaira, haitumo nioseakara ante ledo ria rekena. Bo pokainggura haitumo sampe ira rahuku nu Alatala.